استفزتني بيوت الشعر يالمملوحه

[الجضيعي]

بسم الله الرحمن الرحيم

استفزتني بيوت الشعر يا المملوحه=لين خليت الجنيه يساوي ألربيه
بس غرتني خيوط العمة المشفوحه=وارتكبت الغلطة اللي تشبه ألحنيه
ليتني ما جيت مع درب عراه أسفوحه=و ستشرت السد ره اللي ترشد الركبية
ارمحتني بالزمان وخابت المرموحه=ليتها راحت هوان وعودت عبريه
جيتها قبل أمس عاني والزمن بجروحه=طعنت بين الضلوع تكذب ألجنبيه
بس جتني من غلاها بالغلا وصروحه=واحتملت طعونها اللي بالحشى مخفيه
كانها جت بالغلا في فعلها مسموحه=لو تبقي للزمن كل الجروح الحية
بس راحت وتركت لي لعبة المرجوحة=والعضود اللي تكالت تحتها رجليه
بنت بدوٍ من غنجها تشقي المطروحة=بنت حضراً من ذكاها بالذهب مجنيه
أن تغنت من حلاها عادت المسروحه=وأن تمادت في غناها عودت محمية
روحت بالقلب روحه من ورآها روحه=وحاولت تلعب بقلبي لعبة الجنيه
فاتنة في فن تدريس الهوى وطروحه=بالحسن نادر وفي وصف النساء حوريه
أملكت في قلبي العذري مكان ودوحة=وتركتني للظروف وعودت عذريه
ما بلاي إلا العيون وضحكت مسفوحة==لعن أبو جد الدلع والبسمة الوردية
كنت أحبه والمحبة بالشرف مشروحة=وكنت أعزه والمعزة بالوفاء مبنية
لين جرعني الكلام وبان شي أبوحه=وافتكرت القصة اللي بالزمن مروية
المعزة تاج وبواب الزمن مفتوحة=عزتي راسي وراسي حركته صبيه
بعدها هديت من غيض الفؤاد وفوحه=فتهمت أن المعزة في نهار إلهيه
في نهار يبني التاريخ جل صروحه=في صهيل المكرمات وطعنة ألشبريه
قلت روحي ومسحي في كمك المسفوحة=ما تهين النفس يا بنت الحلال أبنيه
ونتهت قصة غرام كنها المرجوحة=سالفة عشق انتهت في قصة عبريه

-

[بنت الكحيلا]

صح لسانك اخوي الجضيعي

قصيدة رائعه الله يعطيك العافية

[عادل العايش]

الجضيعي

يا مراحب وغلاا

الله الله على هالأبداااع صح الله لساانك

ودام هالتألق

[فهد السلقاوي]

صح لسانك

اخوي الجضيعي


قصيده رائعه


دمت بود

[سلمان الكداء]

صح لسانك اخوي الجضيعي
وتقبل مروري

[خلف الغريب]

صح لسانك يا سمي وعادتك الابداع ولا هو غريب علييك..

الف تحية لك

[تركي صالح]

صح لسانك على هذه القصيده الرائعه

والله يعطيك العافيه على تألقك

وتقبل خالص التحايا