الشيخ نواف بن عبدالعزيز الملحم...

[هزاع الساري]

قصيده في الشيخ نواف بن عبدالعزيز بن طراد الملحم ..
لمواقفه المشرفه معي ومع الكثير من ابناء قبيلة عنزه ..
ومهما كتبنا مقصرين في حق ابو عبدالعزيز



جبت القصايد والقصايد كثيره === لكن قصيد ٍ كاتبه كله احساس
اصوغ به جزل المعاني الكبيره === ابيات شعر ٍ كنهن در والماس
باللي يصدون الخيول المغيره === خيالة ابويضا حسنه بين الاقواس
لا قالوا الملحم ونعم العشيره === اللابه اللي كاسبه كل نوماس
بأفعالهم كل الخلايق خبيره === وامجادهم ما تنحصي وسط كراس
وقفاتهم ضد المعادي خطيره === وسيوفهم تزهى على قب الافراس
ولهم بعد عشره وخوه وجيره === متسلطنين وطيبهم ماله قياس
واخص انا نواف ونعم ٍ بغيره === شيخً ويبقى يا هل الجود نبراس
راعي البويضا بالليالي العسيره === كل من يعادي حضرته ذاق الاتعاس
له وقف ٍ تذكر وفي كل ديره === وان قلتها ..تشهد على قولي الناس
له سيرة ٍ ماهي كما اي سيره === له سيرة ٍ بالطيب نرفع بها الراس
افــديه يا كـل النفوس الحقيره === اللي رصيد المرجله عندها افلاس
سيف ٍ شطير ومن سيوف ٍ شطيره === والدر ماهو جايبه كل غطاس
شيخ ًويبقى للقبيلة ذخــيره === ولو تجتمع كل المعادن هو الماس
الله مــن عيون الخلايق يجيره === وان شاء رب الكون ما يلحقه باس




اخـــــــوكم / هزاع الساري

[مازن الفهد]

صح لسانك و يستاهل الممدوح ابيات جزله

[صبيح العوض]

اخي الشاعر هزاع الساري

صح لسانك قصيده جزله ومعبره ومن يفعل المعروف يستاهل

تحياتي واحترامي

[ماجد الغانم]

صح لساانك اخوي هزاع

والنعم بالشيخ نواف الملحم علمة غانم

بيض الله وجهك

دمت بكل خير

[تركي صالح]

الشاعر / هزاع الساري

صح لسانك واعتلا شانك

على هذه القصيده الرائعه

ومن يفعل الطيب يستاهل المدح والذكر الطيب

دمت بود

وتقبل خالص التحايا

[بدرفهد الجعفري]

هزاع الساري

صح لسانك على هذه القصيده الشامخه

والنعم بك ولاهو غريب الوفاء من اهله


والممدوح يستاهلها

تقبل مروري

[أبو غرام]

ياهلا والله وغلا بهزاع الساري

ومالك حق ياخوك ... تخبي عنا .. على الاقل عني .. إنك شاعر

صح صح صح صح بوحك ما حييت طال عمرك
سلمت ودمت على هذا النص الفاخر

ونعم بالمادح والممدوح

تقبل مرور اخيك طال عمرك وتسجيل اعجابه بقلمك ها هنا

ابو احمد