دع الصورة تتحدث و تحدى شاعريتك 2 - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 28/05/11, (11:56 PM)

نرحب بكم مره أخرى أعضاء هذه الشبكة الراقية ..
و لقاءنا يتجدد بالإبداع و المبدعين ..

الصورة الثانية لهذا الأسبوع ..

مع تمنياتنا للجميع بالتوفيق ..

**غموض الشمال** · 30/05/11, (02:59 PM)

الذ مافي حياتي لحظة سجودي=اليا سجدت بخضوع وخوف واذلالي
وهليت دمعي رجا في عطف معبودي=ادعيه يغفر ذنوبي ويلطف بحالي
هي راحة النفس وطب لكل مقرودي=يالله تجعل سجودي آخر اعمالي

**سعد النفج** · 01/06/11, (12:53 AM)

ابيات جميلة شاعرتنا الراقية غموض الشمال ..
صح لسانك ..

بانتظار الابداعات الأخرى في هذا الركن ..

**بندر السديري** · 01/06/11, (11:03 AM)

ماهي مجرد طرق ظمن الطواريق=صوره وهزتني وبها طاب فالي
لا ضاق صدرك وامتلى خاطرك ضيق=إسجد لوجه الله عزيز الجلالي
سجده تفك ابواب رزق(ن) مغاليق=لا هل دمع العين وحول وسالي
فيها تجرد من جميع المواثيق=تشكي على الله جور سود الليالي
تسجد مع وجهك جميع المعاليق=خشيه وخوف إلها بحشاك إجتوالي
أخير من دنيا الفنا والعشاشيق=تسوا حياتك كلها أول وتالي
أما بقيام الليل ولا على الريق=مفتاح لأبواب السعاده مثالي
يالله طلبتك يا إله المخاليق=أموت ساجد دعوتي وإبتهالي

**سالم صالح** · 03/06/11, (09:34 PM)

موضوع رائع وصورة معبرة يصعب وصفها ,,,,,

اشرف مذلة سجدت العبد لله=واكرم خضوع لخالق الكون ساجد
تخشع بذكره لايذ القلب بحماه=عن هم هالدنيا سرورك تواجد
لايتعبك ضيقة ولا تتعبك اه =ولجنة الفردوس يالعبد ماجد

**بنت الكحيلا** · 04/06/11, (05:42 PM)


	تجلي همومي سجدةٍ بين يديك يا الواحد اللي في عبادة رحومي لا ما ترد اللي بدمعه يناجيك من له سواك الياغزته الهمومي رب ن كريم ولا يخيب الرجا فيك من يشتكي لك علته ما تدومي

**سعد النفج** · 04/06/11, (06:25 PM)

شكرا للشعراء المشاركين ..
و ابداع لا يستغرب على شعراء ويلان ..
.
لجنة هذا الأسبوع هم :

الشاعر : محمد الهزاع ..
الناقد : حمود العواد ..
الشاعر : حماد العنزي ..
.
و سيتم إعلان النتيجة آخر هذا الأسبوع بإذن الله ..
.