بعض العرب تغريه في بقلاوه - °~*¤®§(§ شبـــكة ويــلان العـربـيـه §)§®¤*~ˆ°

**أحمد العواد** · 15/07/11, (03:22 AM)

ماهي بحبة خشم والا رضاوه = وماهي بحبة راس والا خوه
الراس لا قاواك روح وقاوه= واللي يسوي فيك مثله سوه
كانه يبي يغويك روح وغاوه= ترا الغوى يغويه لكن غووه
الجاوي اللي ما يروح لجاوه= ان راق جوه لا تعكر جوه
لو يتسم بالطهر والنقاوه=تلقا خفوقه بالنفاق مشوه
ولويتسم بالعقل والهداوه= تلقاه في بعض الامور مفوه
لا تصير بك يا صاحبي رخاوه =تضيع ما بين السوي ولسوه
واللي تحس بقلبه الجفاوه= ان كان جافيته يزيد علوه
اليا تعب بالحب روح وداوه=واليا ضما من جم نبعك روه
تكسب جميل وطيبه وعلاوه = وعدوك ان عاداك يطفي ضوه
ما بين ضيق الصدر والرهاوه=بعض الوجيه اللي تشوف اْمْوه
بعض البشر تغريه في بقلاوه= وبعض البشر ما تملكة بالقوه
لا يا كلون بعقلك الحلاوة = لو شفت بعض اوجيههم محلوه
العظم تهاوش عليه قطاوه= والمجد يبغى له رجال وقوه

**حمد الخمعلي** · 15/07/11, (08:47 AM)

صح لسااانك وسلمت على هذه الجزااااله

قصيده تحمل من المعااني الجزله والحبكة الشعريه

الله عليك

كُن بخير

**معيض بن عريفج** · 15/07/11, (01:28 PM)

الله الله

والمجد يبغاله رجاااال وقوووه

هذا الكلام صح لسانك اخي قصيدة رائعه لايجيد مفرداتها الا شاعر متمكن
لك تحياتي وتقديري

**محمد بن موسى** · 15/07/11, (05:15 PM)

احمد العواد

صح الساانك مدد بلا عدد

قصيدة جزله من جزالة شاعرها

تقبل مروري واحترامي

كن بخير

**سعد النفج** · 15/07/11, (09:21 PM)

احمد العواد ..
شاعر جزل و حضوره راقي دائما ..
نص فاخر و اعجبني بقافيته و بحره القصير الرائع و بمفردته المميزه و بحبكته الجميله ..
صح لسانك و دمت بألف خير

**محمد دعسان** · 16/07/11, (11:03 AM)

الشاعر /احمد العواد
الله الله الله
ياابوياسر
غبت وجبت الجزله وهذي عاتك
بعض البشر تغريـه فـي بقـلاوه وبعض البشر ما تملكـة بالقـوه
لا يــا كـلـون بعـقـلـك الـحــلاوة لو شفت بعض اوجيههم محلوه
العـظـم تـهـاوش علـيـه قـطـاوه والمجـد يبغـى لـه رجـال وقــوه
الله يبيض وجهك
دمت بحفظ الخالق

**بدرفهد الجعفري** · 16/07/11, (03:03 PM)

اهلا بحضور الشعر والجزاله

اهلا بالشاعر احمد

صح لسانك على هذه القصيده الجزله واتمنى منك قبول اعجابي بها