محــــــــــاوره بين الشاعر صيــاف الحربي ومستور العصيمي

[شاعر محاورات]

صياف :

هاضني برق السحابه وأنا متعـدي= سيلت ماسيلت في هـذاك الـوادي


شفت مستور العصيمي تعدى الحدي= نيته ماترسـم الخـط للاجـوادي





مستور


قبل لاتضرب بسيفٍ رهيف الحدي=لاتقرب حدنا من بلـدك وغـادي


ياعتيبه عزوتي.. ذخر أبوي وجدي=أنصحوا صياف لن ماهداه الهادي





صياف


لا تعذرني بكثر الأخـذ والـردي=صب لي فنجال واحد من البرادي


الثبيتي غثرب الماد وبيح سـدي=وانت توعدني ولا جيت فالميعادي





مستور


جعل بيتٍ ما يـذري هلـه ينهـدي=ما فقدنـا فالليالـي حـلالٍ غـادي


وأنت لا تبكي وحنا عليـك نحـدي=وأن جحدت العلم ذعنا الخبر فالرادي






صياف


مفطرٍ بغيرك صبيحه وبك متغدي=وان تكلمنا كما الشوك فالأكبادي


وانت راسك كنه الشوك ما ينكدي=مايكده غير مشطٍ مع الحـدادي






مستور


لاتعاندني يابو كوت ما انت بقدي=وانت طيرٍ لو نبي صيدته ينصادي


وأنت راسٍ فيه الأمشاط ما تنعدي=نشتري فالسلم ونبيع فالاقصادي




ان شاء الله اعجبتكم

[بدر الحنيف]

شاعر محاورات


يعطيك العافيه


وماقصرت على هالطرق المنتااااز

لك شكري الخاص

[هادي بن معزي]

يعطيك العافيه

واسلمت يمينك

وما قصرت

هادي بن معزي

[عبدالله الثابت]

شاعر محاورات بيض الله وجهك



شعراء كبار ونستفيد منهم




تقبل تحياتي وشكري




ولاتبخل علينا في مثل تلك المحاورات المتميزه

[محمد المقبل]

عبد الله الثابت


يعطيك العافيه


وماقصرت على هذا النقل المميز


لك كل الشكر والتقدير