قلته وانا ضوي وامثل لابة الضواويه

[سعود راجي الفريح]

السلام عليكم ورحمة الله

اتشرف اضع هذا القصيده بين يديكم مشاركتي بحفل قبيلتي الضواويه
بمنطقة حائل----تكريمأ /////// لقبيلة جهينه على راسهم الشيخ قالط بن غنيم الجهني

( اذكروالله صلوا على النبي صلى الله عليه وسلم)

ياخادم البيتين عز المملكه وضلالها=من غبت عنا والعيون النوم مايحلالها
قلوب شعبك ياحبيب الشعب ابو متعب معاك=لو ماحصل ينشال جاك الشعب عنك وشالها
لاكن عسى ماباس ياعون اليتامى والضعيف=يالله عسى غيبتك عنا ماتطول حبالها
البس ثياب العافيه ياسيف دولتنا الصقيل=خل العلم خفاق والدوله بحكم رجالها
وحنا اجتمعنا بليلتن ماكنها الا ليل عيد=ليله بها دهم المزون الصادقه همالها
صكت مع المنشى تنوض مزونها مع كل صوب=يوم استهلت جاك سيله من صدوق خيالها
وقفت بالميقاف والميقاف يبغاله ولد=ودي اجمل لابتي يالله تجمل حالها
عن لابتي حطيت متني للحمول الكايدات=ون قلت لك بشتالها في ذمتي لشتاهلها
حي الله اللي لبو الدعوه وجونا للحفل=أجا وسلمى من تواكبهم قبس زلزالها
يسمو قصيدي بالشيوخ اهل الاصاله والنسب=نطاحت الكايد الياحصل اللزوم وجالها
ياقالط بن غنيم عن اذنك بعد طاب المجال= ابضبط الدله وابقهويك من فنجالها
الله ومانه كل ماعنزت يمك بالقصيد=احس نفسي مالك ن دوله وادير عمالها
يشمخ قصيدي فيك يابن غنيم حلال العقد=حلحيل حلال العقود الياضوى حلالها
ابوك سواله جماله ولا يمكن تزول=بقيت جماله ما تزول الا تزول جبالها
لجل العيون اللي تهل الدمع من شان السجين=ام تقطع قلبها تبكي على احد عيالها
المستحيل بقومت ابن غنيم مصبح مستحيل=اعتق مساجين السجون وفك عنها قفالها
المدح بجهينه يشد القاف ويجيب انتباه=ياحي هالابه هل الوقفات مطيب فالها
منبع صخى منبع وفاء منبع هماليل السحاب=كف الندى ماله مدى سيل عدى بسهالها
علم وعلم طيب وعدم لابه تضيم ولاتضام= حكمة أدب طيب ونسب مثل الذهب سلسالها
والله لو امدح في جهينه لين مايجف القلم= موفي حقوق اللابه اللي طيبن مدهالها
قلته وانا ضوي ومثل لابة الضواويه=الطيبه لوهي ورا نجم الجدي نرقالها
من فوق هااام السحب ياجيت النجوم العاليات= انشد عن اللابه وتلقى طيبها وفعالها
ضواويه نطاحة الكايد الياحصل اللزوم=منزالها صوب يم النجوم العاليه منزالها
عزومنا ماتنثني هقواتنا تطحن جبل= فزعاتنا ياصاح صياح الضحى بلحالها
تسلم على يدينا الجنون العاصيات من الجنون=الينتخت فينا الهنوف طاح عنها جلالها
بالموقف الغصاب نبغى الموت ما نبغى الحياه=مثل السيوف الصاطيه ياسلها سلالها
الله خلقنا قو باس وطيب ساس ومرجله=حنالها حنالها حنالها حنالها

[حمد الخمعلي]

صح لسااانك يااسعوود وقصيده تأخذنااا إلى الشعر الحقيقي

ونعم فيك وبلابتك الجعافره والضواويه قول وفعل0

سلمت على هذي الراائعه والجميله والجزله بدون شك


كُن بخير

[جايز المفوز]

اسعود انت شاعر علم

صح السانك اخوك ابواريج

[معيض بن عريفج]

كفو ياسعود والله والنعم بك وبلابتك

قصيدة رائعه وصح لسانك ملايين

ولاتحرمنا من جديدك لاهنت ولك تحياتي وتقديري

[سراب نجد]

سعود راجي

صح السانك

ونعم بالجعافره وعنزه عموم

والقبايل الباقيه كلاً على حقه جري

تقبل مروري

[حمد الضوّي]

الشاعر
سعود الراجي

صح لسانك وفيت وكفيت بارك فيك ويشرفني أنني كنت من المتواجدين وسمعتها منك مباشره .
فأنت من شعراء الضواويه المميزين وتجمل ربعك في كثير ٍ من المحافل .
ويعلم الله أنني من المتابعين لماتكتب يعجبني إسلوبك وطريقتك بالكتابه .
وحماسك بالإلقاء ونعم بك وبربعك وبقبيلة جهينه
وبجميع القبائل .


أكرر صح لسانك حد الرضى
يابن عمي وعزوتي

[بدرفهد الجعفري]

والله والف نعم بك وباللابه اللي انت منها

سعود راجي شاعر كبير وحضورك دائما جزل كما هي هذه الشامخه الشعريه

صح لسانك وتقبل اعجابي