وش رجعـك ..!! ( هطول ثاني )

[سعود الخلف]

مدخـل ،،

بين الصـدود ورجعتي وألتـفاتـي
بين الرحيـل وعبرتي والتناهيـت

*

ياللي رغبت البعد يوم إني أبغاك
....................... وش رجعك أصدق وقول الحقيقه

وقتٍ مضى لو كنت حاضر فلا ألقاك
....................... وأحسب حساب لشوفتك بالدقيقه

ياما تحملت المتاعب على رضاك
....................... وياما ضحكت وداخل الصدر ضيقه

وياما مشيت الصعب من شان رؤياك
....................... وياما اللسان من التعب جف ريقه

وياما بخلت بحق نفسي ولك هاك
....................... وأقول عادي من صديق لـ صديقه

وياما لشوف العين كذبت وأدراك
....................... وسمّك أشوفه شهد وأشرب رحيقه

واليوم أنا أقنعت نفسي بجفواك
....................... كلك ذهب مغشوش يخدع بريقه

وأسألك باللي خالقك ثم سواك
....................... " الخاين الغدار " منهو رفيقه ؟؟

علاجك جوابك كان بك جنّ صحاك
....................... ثم تعرف للصح وأمسك طريقه !!

وأنا فلا تشره عليّ وخذ دواك
....................... " الهجر والحقران وأنت بـحـريقـه "

مخـرج ،،

البـوح فاجـر والـ آآآآهـ : أكبـر خواتـه
لاألتمـوا بصـدري جر قلبي التنهـــات

[غموض الشمال]

الله الله عليك

نص خيااالي اخوي سعود

صح لسانك على هذا البوح الراقي

تقبل مروري المتواضع امام شموخ حرفك

تقديري لك

[حمد الضوّي]

سعود

صح لسانك قصيده مليئه بالشاعريه الفذه والكلمات العذبه
لافض فوك



تحايا

[سعود الخلف]

هـلابك .. غموض الشمال


صح بدنـك طال عمرك
أسعدني حضورك الراقي يافاضلتي

لك التحيـه والتقدير

[سعود الخلف]

حياك الله .. حمد الضوّي


صح بدنـك الله يسعدك
شرفني تواجدك


لك التحيـه والتقدير

[بدرفهد الجعفري]

الشاعر سعود الخلف

صح لسانك على هذا الهطول الشعري الرائع

ابدعت في هذا النص بلا حدود

تقبل اعجابي الشديد بهذا النص

[حمد الخمعلي]

الاخ القدير سعود الخلف

هطول ثااني يجدد تميزك ويشوقناالنصوصك القاادمه


صح لساانك


كُن بخير