الفزعه

[سراب نجد]

الشاعر دحيم النومسي .. كتب بيت من الشعر وطلب أكماله من الشعراء وحط جايزه للشاعر الأول من الشعراء...

وأكملت هذا البيت بدون أني أرسله كا مشاركه للمسابقه والسبب عدم رغبتي بالمسابقات لن من ياتي للمسابقات هدفه واحد من أثنين أما طمع وحب الماده .. أما البحث عن الشهره ...

لذلك أنا ما شارك بالمسابقات نهائياً .....

قال : دحيم النومسي

الفزعه اللي ما تعز القرابه

يا جعلها شمس ٍ قبل تطلع اتغيب
------------------
قال : سراب نجد

الفزعه اللي ما تعز القرايه

يا جعلها شمس ٍ قبل تطلع اتغيب

يا جعلها تغيب ويسد بابه

يقطعك يا فزعة قريب المحاضيب


يا صار ما به عز وش ينبغا به

ما لي بها ولالي وراها مطاليب


أعز نفسي عن خطاه لصوابه

وقدر الأمكان أنكون بأعلى المراقيب


وكلاً على جسمه يفصل أثيابه

يعرف مقاسه بين حصن الأطاليب


وعمر المطر ما صار غير بسحابه

والله هو الوهاب معط المكاسيب


واللي يجي من ربنا مرحبا به

نرضى بقضاء ربي مخافه وتوجيب


وأنا سراب وعشت مأطرد سرابه

ولا ني رفيق مودي الحكي ومجيب


ولا كل رجلاً باللقاء ينهقا به

وعرف الرجل ياتيك من عقب تجريب


ولا كل وقت ٍ يا فتى ينغزأ به

وضعيف الهقوات يقصر عن الطيب


ولا كل من يفزع يجيب الكسابه

وأعرف ترى الغرات هي مكسب الذيب


ومن لا أدرك المعروف بأول شبابه

ما يدرك الطولات يا ذعذع الشيب


والفزعه اللي ما تعز القرابه

ياجعلها شمس ٍ قبل تطلع اتغيب
-----------------
وسلامتكم جميعاً .. أخوكم الصغير / سراب نجد

[عبدالرحمن الجابري الحربي]

وكلاً على جسمه يفصل أثيابه

يعرف مقاسه بين حصن الأطاليب

ولا كل من يفزع يجيب الكسابه

وأعرف ترى الغرات هي مكسب الذيب


ومن لا أدرك المعروف بأول شبابه

ما يدرك الطولات لا ذعذع الشيب
.................................................. .....

الله عليك سراااب نجد .. صح لسااانك واعتلا شااانك ...

نص جميل وقوي في معانيه ... سلمت يداااك على ما كتبت ...

عندي ملاحظة : كنت أتمنى لو شاركت فيها لأنها وبلا مجاملة مميزة ... والمسااابقااات من ضمن أهدااافها الاحتكاااك بالشعراااء والخبرة ،، وأيضا تزيد من إصرار الشاعر لوجود روح التحدي والمنااافسة ...

وليس عيبا أن يطمح الشخص مع كل مااسبق أن ينااال المادة والشهرة ،،، ولكن لا يجعلها الهدف الرئيسي من المشاااركة ...

[بدرفهد الجعفري]

الشاعر القدير سراب نجد
صح لسانك على هذه المجاراه التي تميزت بمالايقل عن تميز البيت الذي تمت مجاراته

انت شاعر كبير وتكتب الشعر بالفطره وعدم مشاركتك في المسابقات وجهة نظر احترمها ولكن طلب الماده والشهره عن طريق المسابقات حق مشروع لكل شاعر

المهم انك امتعتنا بهذه القصيده وصح لسانك

[سراب نجد]

المشاركة الأصلية كتبت بواسطة عبدالرحمن الجابري الحربي

وكلاً على جسمه يفصل أثيابه

يعرف مقاسه بين حصن الأطاليب

ولا كل من يفزع يجيب الكسابه

وأعرف ترى الغرات هي مكسب الذيب


ومن لا أدرك المعروف بأول شبابه

ما يدرك الطولات لا ذعذع الشيب
.................................................. .....

الله عليك سراااب نجد .. صح لسااانك واعتلا شااانك ...

نص جميل وقوي في معانيه ... سلمت يداااك على ما كتبت ...

عندي ملاحظة : كنت أتمنى لو شاركت فيها لأنها وبلا مجاملة مميزة ... والمسااابقااات من ضمن أهدااافها الاحتكاااك بالشعراااء والخبرة ،، وأيضا تزيد من إصرار الشاعر لوجود روح التحدي والمنااافسة ...

وليس عيبا أن يطمح الشخص مع كل مااسبق أن ينااال المادة والشهرة ،،، ولكن لا يجعلها الهدف الرئيسي من المشاااركة ...

صح بدنك ولاهنت الله يطول عمرك ويبارك فيك

وملاحظتك في مكانها بس نكون صريحين مع بعض

أنا أقول أن فيه شعار تحت زبرقة الأعلام فقط وبعضهم يقصد له

وش معنات هذا هل يطيبه الشعر لا والله هل يرديبه الشعر لا والله

قبل ما يكون شاعر يكون رجل بمعنى الرجوله والشعر لباقت كلام

وتعبير يتميز به الشاعر عن غيره من المجتمع

قال / سراب نجد ...

الشعر ما هو عيب ولا مدح به أحد/// تعبير للشعار مابه كلايف

لك مني جزيل الشكر والتقدير وكل كلامك على راسي ولا قول عيب ولا قول حرام

بس أنا أمشي على قناعتي وجهة نظري .......................

[سراب نجد]

المشاركة الأصلية كتبت بواسطة بدرفهد الجعفري

الشاعر القدير سراب نجد
صح لسانك على هذه المجاراه التي تميزت بمالايقل عن تميز البيت الذي تمت مجاراته

انت شاعر كبير وتكتب الشعر بالفطره وعدم مشاركتك في المسابقات وجهة نظر احترمها ولكن طلب الماده والشهره عن طريق المسابقات حق مشروع لكل شاعر

المهم انك امتعتنا بهذه القصيده وصح لسانك

صح بدنك ولا هنت اخوي بدر فهد الجعفري

شكراً لك على هذه الشهاده بأني شاعر وعلى الفطره شهاده منك وأعتز فيها

وأنا على الفطره دايماً وأن شاء الله نبقى على الفطره حتى ياتي أمر الله

ومن جنب الفطره خساره حياته /// وكلاً يسير ومنهجه مقتنع فيه

وكلامك على الراس والعين ولاعندي أي أعتراض على مدور الشهره

ومدور الماده اللي يدورهما يلقاهما وياخذ نصيبه ولا أقول ماهو حق مشروع أبداً

وأسف أذا وطيت المعجن المهم أنها جازت لك القصيده يكفي

لك شكري وتقديري

[سعد النفج]

صح لسانك يا سراب نجد
ابيات جميلة و راقية و جزالتها واضحة و أنت شاعر مميز
و بالنسبة للمسابقات تختلف اهداف المشتركين بها
بعضهم مادياً و الآخر معنويا
بالنسبة لي أشارك في المسابقات بهدف التطوير و مقارنة شعري بشعر الآخرين
و هل مستواي جيد أم احتاج للمتابعة
كلامي هذا اذا كانت اللجنة معروفة و ليس لها هدف التحيز
عموما نحترم وجهة نظرك و الكثير معك في هذه النقطة
و انا اجزم لو شاركت بهذه الفاخرة لنلت مركزا متقدما ..

[سراب نجد]

صح بدنك يا سعد

الجميل مرورك المتميز وأطلالتك وأبداء وجهة نظرك

والناس فيها أجناس والعلم ماكود /// وكلاً حسب عرفه يفصل أبنوده

لك شكري