الرفقه اللي حبلها دوم يهتز - °~*¤®§(§ شبـــكة ويــلان العـربـيـه §)§®¤*~ˆ°

**محمد البويليد العنزي** · 17/11/11, (07:05 PM)

رفقت هل الوقفات والمرجله عــز

...... ورفقت قلـيل المعـرفه ماتفــيدك

رجلاً لياحتجته على اللازمه فــز

...... ورجلاً من هموم اليالي يـزيدك

لامن نصيته مابلش قـال لك طــز

...... خله ولاترجيه لو هــو حفــيدك

رافق رفيقن خوته تنحسب كنـــز

...... لامال وقتك تنتخي به عضـيدك

والرفقه اللي حبلها دوم يهتــــــز

...... مامن وراها خيـر تلعن كــديدك

ومن الردي ماظن ياخوك تعتــز

...... ولاظنتي بالطيب يرفع رصيدك

والشعر وقته ياسعد عنــدنا حـــز

...... مادمت تسألني وش آخر جديدك

21/12/1432

**سراب نجد** · 17/11/11, (07:44 PM)

اقتباس:

المشاركة الأصلية كتبت بواسطة محمد البويليد العنزي

رفقت هل الوقفات والمرجله عــز

...... ورفقت قلـيل المعـرفه ماتفــيدك

رجلاً لياحتجته على اللازمه فــز

...... ورجلاً من هموم اليالي يـزيدك

لامن نصيته مابلش قـال لك طــز

...... خله ولاترجيه لو هــو حفــيدك

رافق رفيقن خوته تنحسب كنـــز

...... لامال وقتك تنتخي به عضـيدك

والرفقه اللي حبلها دوم يهتــــــز

...... مامن وراها خيـر تلعن كــديدك

ومن الردي ماظن ياخوك تعتــز

...... ولاظنتي بالطيب يرفع رصيدك

والشعر وقته ياسعد عنــدنا حـــز

...... مادمت تسألني وش آخر جديدك

21/12/1432

صح السانك أخوي محمد

على هالقصيده الشامخه بشموخ شاعرها

أبيات في قمةالروعه والله وأنا أخوك أن الرصيد بعد طاعة الله هم الغانمين

وكلامك كله صحيح يالطيب بارك الله فيك

ولايطيب الا من طاب حظه .... الله يسترنا دنيا وأخره

من طاب حظه يافتى صار في عز ....

ومن شان حظه طاح لو ما تدزه .....

لك مني جزيل الشكر والتقدير

**غموض الشمال** · 18/11/11, (12:02 AM)

صح لسانك مدد بلاعدد اخوي
نص شامخ الله يعطيك العافيه على هذا الابداع
تقديري لك

**سعد النفج** · 18/11/11, (12:53 AM)

رفيق وقت اللازمه حر يندز = و رفيق مثل السمّ داخل وريدك
بعضهم بخوتك يبغى يترزز = و باللازمه ينكرك / ما هو مفيدك
يطوي صحايف مامضى و يتعجز = ما ترتكي به عقب ما هو سنيدك
لكن حذاري يا محمد تنرفز = اضحك بوجهه لو يحاول يبيدك
بعض البشر يبغا له لحيم مع رز = و تلقاه جنبك واحد ٍ من عبيدك

صح لسانك يا محمد ..
ابيات رائعه و لها معنى كبير ..
اعذرني على الرد المتواضع مقارنة بأبياتك المميزة ..
دمت بخير ..

**حمد الضوّي** · 18/11/11, (04:12 AM)

صحت ألسنتكم شعرائنا المبدعين

ياشاعر ٍ بإبداع فكره تميّز=شد إنتباهي لاعدمتك قصيدك
قريت شعر ٍ بالجواهر مطرّز=والمنتدى لاتحرمه من فريدك
جاراك بن شايش بكم بيت وأوجز=صح اللسان وتسلم إيده مع إيدك
معجب بشعرك وإعتبرها محفز=وإلا أنت يا محمد شهد لك نشيدك
إشفق لخوّة راعي الكسب والخز=اللي وفاه لوقتنا اول يعيدك
النادر اللي بالمهمات يبرز=يازينها لاصار جارك حديدك
مثل سعد شبه الجبل ماتلزلز=من هيبته هابه عدوّك ضديدك
لياتنصيته دعاويك تنجز=لو اليدين مقيده حل قيدك
وإلا الردي لاهنت عن خوته نز=وخلك عنه بالعكس وجهة مديدك
لو يكشخ إبّشت ٍ وغتره ومرعز=خله ومذلافه هاك اليوم عيدك

الشاعر القدير

محمد البويليد العنزي

صح لسانك مليون ولايسدون قصيده مميزه وموضوعها مميز وقافيه مميزه أيضا ً.
وموجهه لشاعر متميز كذلك . يعني من تميز في تميز . ماشاء الله عليك .
ورد الشاعر الكبير سعد النفج بأبيات لاتقل تميزا ً عماكتبت.

فصح لسانك و صح لسان شاعرنا سعد النفج
حيث إستمتعنا بماقرأنا لكم من درر بارك الله فيكم جميعا ً

و الحقيقه لإعجابي بما قرأت حاولت المجاراة أيضا ً
ولكنني سألت نفسي قبل أن أكتب أي حرف ،
كيف استطيع مجاراة شعراء كبار بحجم
الشاعر/ محمد البويليد العنزي والشاعر / سعد النفج

ولكن لإعجابي الشديد بالقصيده والرد عليها قررت المجاراة

محاول ٍ أن تصل لشئ لو بسيط من مستوى سابقاتها

عذرا ً عن التقصير

أجمل تحيه للجميع

**ابراهيم السلمي** · 18/11/11, (01:11 PM)

ماشالله تبارك الله

الشاعر محمد العنزي

صح الله لسانك ملايين

ذكرتني في قصيدة الشاعر خلف المشعان

رائع اخوي محمد

صح لسانك ملاييين

تحياتي لك

اخوك

ابراهيم السلمي

**محمد البويليد العنزي** · 18/11/11, (07:53 PM)

اقتباس:
المشاركة الأصلية كتبت بواسطة سراب نجد
صح السانك أخوي محمد

على هالقصيده الشامخه بشموخ شاعرها

أبيات في قمةالروعه والله وأنا أخوك أن الرصيد بعد طاعة الله هم الغانمين

وكلامك كله صحيح يالطيب بارك الله فيك

ولايطيب الا من طاب حظه .... الله يسترنا دنيا وأخره

من طاب حظه يافتى صار في عز ....

ومن شان حظه طاح لو ما تدزه .....

لك مني جزيل الشكر والتقدير

سراب نجد
صح بدنك
والابداع هو مرورك
كل الشكر لك
دمت بخير