مناشده للخيرين - °~*¤®§(§ شبـــكة ويــلان العـربـيـه §)§®¤*~ˆ°

**طيف القصيد** · 03/08/12, (02:55 PM)

ياسامح استبشر فدتك الملايين=حنا معك وارض الكرامه وطنا
لابد ماتفرج وللدين موفين=وتفرح عيون اللي لشوفك تمنا
ويا أُم سامح كفي الدمع تكفين=خلي دموعك للفرح لاذرفنّا
الله كريم وكلنا له مناجين=ودعواتنا لباب الكريم اطرقنا
وكل القبايل في بلادي سلاطين=وخليجنا بالخير يبقى وطنا
من أرض مكه والمدينه سلامين=دار الرسول وفرحة اللى تعنا
لاهل الكويت الخيرين القريبين=واهل المنامه عزنا لاعزمنا
واهل قطر يامنبع الطيب والدين=اخواننا لو الحدود ارسمنا
وعمان دار السعد ناس خلوقين=وترى اليمن معنا ويبقى يمنا
وسلم على اهل دبي عد البساتين=سلم عليهم عد مايبرقنا
ان هبوا الويلان ماضن تبكين=مافيهم الى دون سامح تونا
ربع على الطولات والعز ساطين=إسيوفن بدم المعادي إتحنا
يالابتي يابحرالامجاد والدين=ماخطيت لامن قلت حنا وحنا
وشمر طيار شعاف طلق الحجاجين=سيل العطايا منّكم مرجهنا
ومطير حمران النواظرعريبين=طبع المراجل عندهم مايكنا
وان عدوا العتبان ربع وفيين=روق ٍ وبرقا ريف منهو تعنا
ولغيمة العجمان ديم ورياحين=ربيعها طاغي ولافيه ضنا
ون عدوا المري بليا براهين=صغيرهم من طيب جده يكنا
ون قيل انا حربي خطته النياشين=ونيشانه بكبد العدا يضربنا
والدوسري صقر وجوده جناحين=هداته لنصرة دخيله سمنا
وقحطان شجعان على الطيب رابين=وخصالهم بالطيب ماينحصنا
وسبعان لامنا نخينا قريبين=فزعاتهم جزله ولافيه منا
وتميم وجهينه وربع الزهارين=والغامدي والاكلبي ماتونا
وان جيت اعدد في خصال الوفيين=ماحصيتها لو جبت بالشعر فنا
سامح ولدكم وافزعوا مابقى شين=وفزعاتكم من بعد ربي املنا
يا أم سامح كفي الدمع تكفين=كفي دموعك وانقشي الكف حنا
استبشري بالله وناس ٍ قديرين=لأن اهل الخير منا ومنا
ان قاله الله من ورى عسرها لين=وتفرح عيون الى بسجنه معنا

وسلامة الجميع
اختكم طيف القصيد

**حمد الضوّي** · 03/08/12, (05:27 PM)

أختي الشاعره القديره

طيف القصيد

صح لسانك مدد بلا عدد وبيض الله وجهك على وهذه الشامخه
وهذه البادره الطيبه منك تجاه سامح الذي أسأل الله العلي القدير أن يفرج همه
ويفك أسره ويقر عين أمه وأبيه فيه . كتب الله لك الأجر وعظيم الثواب في هذه الشهر الكريم
وابشرك أهل الخير واهل المعروف واجد وسوف يصل لهم هذا النداء وسيلقى من يستجيب بإذن الله تعالى
والله يحفظ خليجنا وقبائلنا وكل من فيه خيرللإسلام والمسلمين . آمين يارب العالمين

أكرر صح لسانك وبارك الله فيك اختي العزيزه

وأقف إحتراما ً لهذا النص والحس الراقي

الف تحيه للأخت الكريمه بنت الأكارم

**نافع عيد الجديد** · 04/08/12, (04:15 AM)

صح لسانك وتسلمين على هذه الرائعه
وابشركم اكتمل المبلغ حسب ما اعلنه والد سامي
تقبلي احترامي وتقديري

**هندي المقبل** · 04/08/12, (04:16 AM)

الاخت الكريمه والشاعره القديره : طيف القصيد

جزاك الله خير ورزقك الاجر واجزل لك المثوبه على هذه البادره الكريمه

وصح لسانك على هذه القصيده الجزله كالعاده بمعناها ومحتواها وهدفها

وابشرك وابشر جميع المسلمين واهل الخير بانه تم اكمال دية سامح الرويلي ولله الحمد والمنه

**طيف القصيد** · 04/08/12, (06:08 AM)

اقتباس:

المشاركة الأصلية كتبت بواسطة حمد الضوّي

أختي الشاعره القديره

طيف القصيد

صح لسانك مدد بلا عدد وبيض الله وجهك على وهذه الشامخه
وهذه البادره الطيبه منك تجاه سامح الذي أسأل الله العلي القدير أن يفرج همه
ويفك أسره ويقر عين أمه وأبيه فيه . كتب الله لك الأجر وعظيم الثواب في هذه الشهر الكريم
وابشرك أهل الخير واهل المعروف واجد وسوف يصل لهم هذا النداء وسيلقى من يستجيب بإذن الله تعالى
والله يحفظ خليجنا وقبائلنا وكل من فيه خيرللإسلام والمسلمين . آمين يارب العالمين

أكرر صح لسانك وبارك الله فيك اختي العزيزه

وأقف إحتراما ً لهذا النص والحس الراقي

الف تحيه للأخت الكريمه بنت الأكارم

يامرحبا الف باخوي ابن الكرام
حمد الـــضـــوي
تشرفت كثيرا بمرورك العطر وكلماتك المشجعه والراقيه
وتسلم يمينك على التعديل الموفق لاهنت
والله يسمع منك ياخوي ويكتمل المبلغ لانه باقي حول مليون
بس بقدرة الله وطيب المسلمين بجميع الخليج تهون والله قادر بعد ماهي 18 مليون
صارت مليون واحد والف حمد وشكر له
اخي القدير والله اني افتخر بوجود علم كاحمد الضوي بمتصفحي
كل الشكر لمقامك النبيل
واغلى التحايا لروحك

**طيف القصيد** · 04/08/12, (06:14 AM)

اقتباس:

المشاركة الأصلية كتبت بواسطة نافع عيد الجديد

صح لسانك وتسلمين على هذه الرائعه
وابشركم اكتمل المبلغ حسب ما اعلنه والد سامي
تقبلي احترامي وتقديري

صحت روحك اخوي القدير نافع عيد الجديد
القصيده نزلتها بتويتر قبل يومين وماكنت ادري ويوم شفت الموضوع بين النفي والاثبات بجريدة سبق
قررت انزلها المنتدى لعل ان توصل لاهل الخير ممن لم يعلمو عن موضوع سامح شئ
اكرر الشكر لمرورك الكريم
مع اغلى التحايا

**طيف القصيد** · 04/08/12, (06:17 AM)

اقتباس:

المشاركة الأصلية كتبت بواسطة هندي المقبل

الاخت الكريمه والشاعره القديره : طيف القصيد

جزاك الله خير ورزقك الاجر واجزل لك المثوبه على هذه البادره الكريمه

وصح لسانك على هذه القصيده الجزله كالعاده بمعناها ومحتواها وهدفها

وابشرك وابشر جميع المسلمين واهل الخير بانه تم اكمال دية سامح الرويلي ولله الحمد والمنه

هلابك اخوي القدير
هندي المقبل
تشرفت بمرورك الراقي وسعدت بوجودك بمتصفحي
وصحت روحك ياخوي
والله يبشرك بالخير بس باقي مليون ان شاءالله يكتمل المبلغ اليوم وتعتق رقبة سامح وتقر عين امه بشووفه
كل الشكر لك اخوي هندي
واغلى التحايا لروحك