فيصل الرياحي ومطلق النومسي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الثابت** · 22/09/05, (12:50 PM)

اخواني اعضاء هذا الصرح الشامخ

احب ان انقل اليكم هذه المحاوره الكبيره والتي جرت بين الشاعرين

فيصل الرياحي و مطلق النومسي

اليكم المحاوره :-

مطلق النومسي

هلا يامرحبا ترحيبتن ما القالها عداد *** ولو عديتها بنجوم وجه الكون مااحصيها

الا ياليل ياليل السعد ياثالث الاعياد *** بعد شفت الرياحي والعرب تعرف بااساميها

فيصل الرياحي

يدوم الك البقاء ياللي ترحب ساعة الميعاد *** الاياحي زينات العلوم وحي طاريها

حضرنا في محل الطيب والتاريخ والامجاد *** عساك ليا سهرت الليل تاخذها وتعطيها

مطلق النومسي

يقولون الرياحي محرقن قلبه على بغداد *** وانا ما ابكي على بغداد لين اذبح مبكيها

ثمان اسنين بشدادين والليله ماغير شداد *** شدادن كل مادرجت ريمه طق رجليها

فيصل الرياحي

لو انك مصعب الزرقاوي اللي روع الاجواد *** عطيتك علبتن مايدري المرسول وش فيها

جلسنا في مجاليس الشيوخ وزعلوا الافراد *** ومن يبلش بروحه بالمجالس لايعنيها

مطلق النومسي

لاواني مالو اني ماتفيد المذهب النشاد *** تغنيها وانا مثلك يابن منصور اغنيها

الاياكثر مانسمع ونقرا عن ثمود وعاد *** مكبرة العلوم الله يعافيك ويعافيها

فيصل الرياحي

الايامطلق الدنياء جديده والثياب جداد *** يقول فلان سواها لكن الله مسويها

على شان العرب غالين نمسح دمعة الاكراد *** جميله والجميله يحسب العاقل تواليها

مطلق النومسي

اشوفك في بلاد وبعد عام اعينك ببلاد *** ولاادري منك والا من هل البلده وواليها

ترى ماتحت ذيك الطاوله مشرب ولابه زاد *** تقدم في يمينك والعرب تعطي يمانيها

فيصل الرياحي

ترى مايرقد الا مثل ذاك موالف المرقاد *** لوانك معي اعلمك الصلاه اللي تصليها

بيوت البخل مايوجد بها دله ولابراد *** تذكر كلمتي وافطن لها واعرف معانبها

مطلق النومسي

مدامي شفت راس ابليس داخل هيئة الارشاد *** عليك الله وامانه كيف تقنعني فتاويها

بلاش الغطرسه والعلم بين والحمول شداد *** على وضح النقاء والناس تسمعنا باذانيها

فيصل الرياحي

اشوفك تدخل المسجد وتبغى تسرق السجاد *** وهذي ياوسيع المعرفه مااحدن براضيها

لياصرت متعلم لاتخاف الا من النقاد *** وانا لولا ولولا كان اضويها مضاويها

مطلق النومسي

يجوز انى بعاد وعندنا للعلم خمس ابعاد *** ولكن ويش اسوي بك تبعدها وتدنيها

انا لي ذنب لكن ماوصلت لملة الالحاد *** وابا اضحك في وجيه القوم لو ماني مدانيها

فيصل الرياحي

يازينك يالسحاب المرتدم والبرق والرعاد *** وكم واحد يخيلها ولا يرعى مفاليها

ليا منك ضحكة اجوزك مزمومة الانهاد *** ولاندري تخليك الضحى والا تخليها
وسلالالالامتكم

**ماجد الوايلي** · 22/09/05, (02:42 PM)

الله الله عليهم

الله الله عليهم

الشاعر مطلق النومسي والشاعر فيصل الرياحي ابداع لا حدود له

يعطيك الف الف عافيه يالغالي / عبدالله الثابت

ودائماً تتحفن بكل ماهو جديد وجميل وراااائع

ولاهي غريبه عليك

دمت للويلان

**مزيد المزيد** · 23/09/05, (08:33 PM)

هلابك ياعبدالله وتسلم يمينك على اتحافنا بهذه الرائعه

لاهنت ياغااااااااااااااالي

دمت بخير

**هادي بن معزي** · 23/09/05, (09:05 PM)

عبدالله الثابت

عشت ولاهنت يالغالي

وتسلم يمينك الي ما عمرها انثنت بأخبارها الطيبه

**عبدالله الثابت** · 26/09/05, (09:34 AM)

ماجد الوايلي

اشكرك على مرورك

واتمنى اننا دايما ناتي بكل ماهوجميل

تقبل تحاتي

**عبدالله الثابت** · 04/05/06, (10:45 AM)

مزيد المزيد

هادي معزي

اشكركم على مروركم ولاشك ان هذه المحاوره تجمع عملاقين

فلكم كل التقدير وتقبلوا تحياتي