اخواني الاعزاء جميعا
يترنم الحرف طربا وخجلا منكم
لم ارمي ابياتي واذهب الى منتدى اخر بل ذهبت
الى خارج النت لاسباب ارغمتنى على ا لبعد ولاني
كلي ثقة بكم بأنكم ستكملون المسيرة وتنهون القصيدة
قطرات الندى من رؤوس اقلامكم النديه
ودقات قلوبكم الصافية الوفية
ووقفتكم (( الوائـــلية))..
لها الدور في اكمال هذه المقطوعة الرائعة
فشكرا لكم فردا فردا عضوا ومشرفا
كنتم كالنخيل في بسوقه
وكالجبل في شموخه
وكالريح في قوته
فأخرجتم لنا ارقى واحلى الدرر
اشكركم يا ايها الوائليون
وصح الله السنتكم فردا فردا
شكر لمن رد مرة وشكرا لمن عاود الكره وشكرا لكل من حضر
هنا مشاركاتكم على هذا الرابط..
{{{ ألفيـــة الويـــــلان }}} ....دعوة للمشاركة ..
وقد قمت بتسيق القصيدة لتكون بأحلى حلة انتم نجومها,,,
][®][^][®][الفية الويلان][®][^][®][.......,,,,,,,,,,.........
او معلقة منتديات الويلان ستظل شامخة وستكون ابرز ذكرى لهذا المنتدى فلنحلق مع ما كتبناه وخطتة اناملنا
ألفٍ.... ابكتب عن قبيله عريقه=قبيلة(ن) بالكون إلها بريقه
لو تجتمع كل الفرق مع فريقه=المجد عنوانه يجي دوم ((ويلان
الباء"..... بنا التاريخ مجد الكتابه=في عزها الراوي يعطر ثيابه
فيها المعزه والوفا والمهابه = بين القبايل ساميه عالية شان
التا ..... تــــرى كل الخــــلايق يعرفون=ان عنـــــزه اكبر من اللى يقولون
يوم الزمان اللى به السيف مسنون=واليوم فى وقت الرخاء فعلهم بان
الثاء......" ثرانا ما حدٍ قد وطى فيه = نحمي حماه ومن تعدى نربيه
نرويه من طعن القنا ثم نسقيه = من فعلانا يصلا سموم ونيران
الجيم......جزل القاف مكتوب فينا=وانا اشهد انا لاحكينا وفينا
والعز دايم ترتفع له يــــــدينا=ماننحني ياكود لله رحمـــن
الحا ....حللنا بكل ارض(ن) وديره = وسيوفنا لافعالنا هي شطيره
ماهمنا فرد(ن) او انه عشيره = ومن يستهين بفعلنا صار ندمان
الخاء..... خوي الوايلي في معزة =يبشر بعزة كل لحظة وحزة
كم راس خصمن لجل عينة نجزة=وتاريخنا يابنت الاجواد برهان
الدال.... درنا في رجاء الارض درنا = مافيه دار كود يمة رحلنا
محد يرد جموعنا ولاسألنا = منهو رضى من فعلنا ومين زعلان
الذال.... ذللنا الصعاب ورقينا=روس الجبال النايفه واعتلينا
وقت المجاعه يشبعنا ايدينا=يوم ان بعض الناس يموت جيعان
والراء......رفيع المجد تثبت ارواتــــه=مجدٍ شيمنا هي نوادر سـماتــه
الوائلي يفنى وتبقى صفاتــه=تضـرب بها امثال العرب عبــر الازمـــــان
والزاء....... زمان المجد لعيال وايل=يوم انها بالسيف وركب الاصايل
فعولٍ لها التاريخ أكبر دلايل=واليوم شفت الذيب يسرح مع الضان
والسين..... سدنا والسياده لنا ساس=يشهد لنا ذي قار وافعال جساس
بنص الحديث أفعالنا ترفع الراس=ننصر على الظالم ولو كان ماكان
والشين......شان الوقت ولا غدا ريف = مثل الذهب صافين مايلحقه زيف
عاداتنا حلوين للجار والضيف = واللي عليهم عسر بايماننا لآن
والصاد.... صدر الوايلي مايضيقي=لو هو يصالى فوق حر الحريقي
ياسعد من هو لابن وايل رفيقي=يصبر على كود المشقه بليهان
والضاد...... ضد اللي علينا تعدى=ناقف بوجهه لين غصب يتقدى
وبالطيب عمر الوايلي ماتردى=يحيى ملك ويموت بالعز سلطان
الطاء.....طلعنا النايفات الشواميخ=يوم المنازل واللقا والمناويخ
وغدت لنا كل القبايل مطاويخ=ماردنا الصنديد لو كان من كان
والظا..... ظلام الجهل ماهو لعناز=إسمٍ يحقق للمفاخر والانجاز
في كل ميدانٍ لهم شان واعجاز=تاريخهم شاهد وواضح للاعيان
والعين..... عاودنا وكره وفره = حتى حكمنا وانشدوا اهل مره
ومن هو يبينا ويبتلينا بشره = الله يعينه يحتمل نار بركان
والغين.... غيمتنا لفت كل ديره = وسالت لنا شعبان كل الجزيره
وياقف لنا مليون بيت وعشيره = حتى البحر ياقف لنا تحت طوفان
والفا..... فرضها (كليب) وقت (الجليله) = ان (عنزه) بالكون ماهي ذليله
و(جساس) يشهد يوم هج بشليله = و(الزير) يومه حطهم مثل نيشان
القاف......قاف الشعر يعجز عن القول= والحرف بأسم الوائليه يجي طول
وإلا العدو يبقى مريـــض ومعلول= يرضخ سوى راضي سوى العكس زعلان
والكاف...... كل المجد والطيب فيهم= واللي يبي الفزعة وضاقت يجيهم
ماينكفون ولو ثمنهـا حديهم= يبشر بما جاله ليا قال ويلاااااااان
واللام..... ليت الوقت ترجع سنينه=يومٍ كلٍ مكسبه في يمينه
حتى نعرف البايره من الثمينه=وتميز الافعال ذربين الايمان
الميم....... من عصر الصحابه لنا صـــيت=افعالنا نار وشرار وكباريت
غلطان من يسكب على ثوبه الزيت =.ومن حارب الويلان لاشك خسران
النون..... نحمي ديارنا بالعبابيس=لاجا نهار فيه جدع الملابيس
على النقا ماشين مهنا متاريس=عدونا ناتيه في جهر واعلان
الهاء..... همنا للمعالي وصعدنا=واللي لفا لابد ياتي بعدنا
كل المدد مردود إلا مددنا=ليا نوينا ندرك الشي بإمكان
الواو..... وايل كلبوهم جماعه=أهل الكرم والطيب واهل الشجاعه
الكل منهم يوفي الحق صاعه=متوارثين الطيب في كل الازمان
والياء..... ياعد افعال كل القبايل= أفعالكم بين القبايل جزايل
قلتوا وطلتوا والفعايل دلايل=من يوم وقت الرمح والطاس والزان
ياولاد وايل كل وقت وزماني=أمجادكم تذكر بكل المعاني
واليوم دور الخير والخير باني=أخوان نوره خلوا الكل سيان
يالفكر ناخذ مع هل العرف حصه=والفية الويلان من فكر حصه
كلاً كتب واضح على حرف نصه=ويلان تاقف ماقف العز ويلان
لكم ارق التحايا
19/06/05, (03:00 PM)
{{الـــــــفيــــــة الــــــو يـــــــلان }}
العرض العادي
