؟؟ معركة مابين انس وبين جن ؟؟ - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المعزي** · 08/09/06, (01:32 AM)

أحبتي اهديكم هذه المعاني المتواضعه التي اتمنى ان ترقى لذوقكم المميز

الغريب الي وطى الدار الغريبـه=ما زرع في موضع اقدامه وطـن
ماله الا اليـل ونجومـه قريبـه=وذكريات الحـب وايامـاً مضـن
لا تصفح ما مضى لـه وتغديبـه=ثورت الاحـزان ولـداره يحـن
هـم يقفـي بـه واهاتـاً تجيبـه=ولمشاعـره الجميلـه يحتـضـن
بيت شعر وحرف تذكارن بجيبـه=وطيفهـا لامـر ذكـره الحـزن
كان يسمع عن عشاشيق وحبيبـه=وكان يضحك لين بالحـب انفتـن
لعـن ابـو قلبـاً تحـداه الغليبـه=قبل قاسي واصبح الين من قطـن
ليه مدري ؟ كيف مدري ؟ ياعجيبه=معركه مابين انـس وبيـن جـن
بالفضاء او بالمغـارات الرهيبـه=والشياطيـن العصيـه تستـجـن
فلسفه يمكن او الصدمـه مصيبـه=او حداثـه او مشاعـر ينـزفـن
ترجمـه للـي معاناتـه كيـبـه=بـوح قلبـاً بالمشاعـر منشحـن
منوته بعيون من حولـه غريبـه=لـو بداهـا كفونـهـا بالكـفـن
حلمي المفقود جعـل الله حسيبـه=مايتحقـق لـو مدامعنـا بـكـن
من تمنى شـي يأخـذه ويجيبـه=كان ما بالناس من يشكـر غبـن
يالغريب ارجع عن الدار الغريبـه=وامتطي صهوة جوادك بالرسـن

تقبلو تحياتي

**كبرياء انثى** · 08/09/06, (06:30 AM)

من تمنـى شـي يأخـذه ويجيبـه
كان ما بالناس من يشكـر غبـن
يالغريب ارجع عن الدار الغريبـه
وامتطي صهوة جـوادك بالرسـن

صح لسانك

ماشلله تبارك الله ...

لاهنت

**مصلح النشمي** · 08/09/06, (09:21 PM)

.

كان يسمع عن عشاشيق وحبيبـه
وكان يضحك لين بالحـب انفتـن

الله الله عليك اخوي عبدالله المعزي

ما اروعك وما اروع اسلوبك بالتصوير

صح لسانك مليااار

رائعة بروعة شاعرها

وانا اشهد انك جزل

لك الحب ولافض فوك

**شمالي** · 09/09/06, (10:26 AM)

عبد الله المعزي

وين القصيدة ياعبدالله

يالويلان وين القصيدة

..........doPoem(0)

شمالي

**فهد الخدلي الفدعاني** · 09/09/06, (10:45 AM)

وانا بعد

..........doPoem(0)

القصيدة انزرفت ينعي

**تركي صالح** · 10/09/06, (08:22 AM)

الاخ القدير / عبدالله معزي

أنشهد انك جزل يالغالي

وما نقراء لك ألا الجزاله والروعه

صح لسانك ملايييييييييين يالغالي

ودمت وسلمت على هذه الرائعه

وتقبل فائق التقدير والاحترام

**مزيد المزيد** · 10/09/06, (06:39 PM)

يالغريب ارجع عن الدار الغريبـه
وامتطي صهوة جـوادك بالرسـن

عبدالله

شاعر بحجمك يجب ان نقف ونسمعه او نقرأه بعيون" يملكها الصمت

يالغريب ارجع عن الدار الغريبـه
وامتطي صهوة جـوادك بالرسـن

بيت فاخر وقفله لقصيده غرقت بالعذوبه

صح لسانك مليون ولاهنت

دمت بكل خير