ابناء العم الاعزاء ... اعضاء هذا المنتدى الشامخ
لــ مزيد المزيد ولكم أهدي هذه القصيدة المتواضعة وكلّي أمل أن تروووق لـكم
ايه .... اسمعي وش قال قلبي فيك يالضبي الرشيق = هذا كلام القلب ليّه والثقه به مطلقه
يقول : في صوتك دلع ويقول لعيونك بريق = ويقول : لك قلب ٍ كبير اتقول شجْره مورقه
هذا وانا ماشفت زولك ولّع بقلبي حريق = ولو شفت زولك غير انااادي.... دوك قلبي واحرقه
انا رجل عادي بسيط آغيب في حبّك وافيق = يعني لزوم انّي أكون ابن لــ ( زعيم المنطقه )
هذا غلا ماله دخل بالسيّد ولا بالرقيق = هذا غلا يعني غراااااااام يريد إخلاص وثقه
وانتي تعرفين الغلا يانحلة ٍ معك الرحيق = اقووووول يابنت الحلال الحب شمس ٍ مشرقه
وانا اوعدك وعد الوفااااااء مااخون لو شااااان الطريق = وقلبي لسرّك ياكحيل العين ( صاله مغلقه )
وانتي تعرفين البدو وانا ترا سااااسي عريق = اموت ميّة موته ولاآعيش تحت الاروقه
وانتي تعرفين المحبّه همّها كنّه طويق = والحب به لمّة شمل والبغض اساس التفرقه
ياكبر جرمي عند خلق الله ليا قالوا عشيق = وانا اعرف راع الهوا ينحط تحت المطرقه
ادري غرامك به شقى ..... وادري بعد به بلّ ريق = وادري ( دروبك مهلكه ) وادري ( مياهك مغرقه )
لكن عشقتك وانتهى الموضوع يالحسّ الرقيق = والحب جمرة بالحشا مااضن هو ( لعب ورقه )
متى ثقيل النوم من نومه على صوتي يفيق = وقلبك رقد يالغالية كيف آتمرجل واسرقه
هذا كلااااااامي وانتي ادرى في مدى صدق الصديق = قولي أحبّك دام شمسي بالمحبّه مشرقه
05/05/05, (08:58 PM)
متى ثقيل النوم من نومه على صوتي يفيق!!!
العرض العادي
