اهكذا تكون الوطنيـــــــة ...؟ - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 30/09/06, (03:09 AM)

السلام عليكم ورحمة الله وبركاته

كل عام وانتم بخير <<< بمناسبة رمضان موب اليوم الوطني <<< الوطنية زيرو

ومبارك عليكم الشهر

والله يجعلنا من صيامه وقِيامه

قولوا امين..

وكل سنه والسعودية بخير ونعمه بس لو يزيدون هاليوم ويخلونه ثلاث ايام عشان يزيد منسوب الوطنية ويتدفق في عروقنا تخبرون يوم مابيكفي ومابيوفي

ويعطونااا زياده بالراتب 15 % ثانيه بدل سكن عشان يصير الدم اخضر

او يرجعون فلوسنا الي خذوها بالاسهم

او يسددون القروض

ااااااااااااهـ ياجماز السحيمي <<< وسوست من هالأسهم

نرجع لمحور وطنيتنا

سبحان الله

سبحان مغير الأحوال

وين هالوطنية ماطلعت هالسنتيين

يعني قبل حكم ابو متعب ماكان فيه وطنية

اوقبل بالأصح قبل إجازة اليوم الوطني

طيب

نفترض تغيرت الأحوال ... وأزدان الحال من حالاً لأفضل حال <<<< أديبه بسم الله علي : )

وزادت الوطنية .... وصارت ااااااااااااااااااد كداااااااااااااااااااااااااااااااااااااااا

السؤال الي ابي اسأله

كيف المفروض الواحد يعبر عن فرحته باليوم الوطني ؟

بصراحه

الي طلعوا ذاك اليوم بشوارع الرياض يقول ليتهم ما اعطونا هاليوم

وضع مزري بكل ماتعنيه الكلمة

بصراحه ما اقدر اقول عن شبابنا كلهم ( البعض )

الا انهم

ماعليهم شرهه ...

يتساءل البعض ما معنى كلمة ماعليهم شرهه ؟

بالمختصر : هو انسان سفيه لا شرهة عليه

باليووم الوطني تكاثر اللي ماعليهم شرهه بشوارع الرياض

في ظل غياب رجال الأمن <<< لاتلومهم محتفلين باليوم الوطني

<<< لاتخلوني احلف ان نص اللي باليوم الوطني بالشوارع رجال امن ولكن بثيابهم

نقول الناس تكبر وتعقل

لكن للأسف تكبر وتستخف !!!!!

يعني لو تشوف شباب في سن المراهقه بهالشوارع ممكن ما تشره عليهم

تقول شباب مراهق

بس اذا شفت هالأشكال

شر البلية مايضحك !!!

ولا هذا ..

بصراحه

اللي شفته بذاك اليووووووووم ثيران هائجه

ناس اعمارهم فوق 25 وفي من فوق 30 كثيرررر

اللي يوقف بنص الطريق ويسد الشارع على الناس ويعطل خلق الله ويطلع يرقص ..!!!

والله شيء مؤسف

في ذاك اليوووم وربي طلعت بالغلط ماتوقعت أننا بندخل بهالهمج

جلسنا بطريق الملك عبدالله عشان اطلع منه 3 ساعات ونص

انا الي ودي اعرفه

الواحد اذا قفل الشارع بسيارته ونزل من سيارته وقام يرقص <<< الله من زين الرقص عاد

الان بطريقته هذي يعتبر نفسه محتفل باليوم الوطني ؟

يعني مثلا من المشاهد اللي شفتهااا

شباب شافوا وايت بطريق الملك عبدالله .... قاموا تعلقوا بالوايت وناس ركبوا فوق الوايت ... وناس فتحوا المويه

وتركوها تصب بالشارع ...!!!!!!!!

لاحول ولاقوة الا بالله

امحق وطنية ..

من المشاهد شووفوا

المشكله الفنيلة دروش ابو 7 ريال لو برومان بـ 14 ريال تنبلع

والا هالهمج شوفوهم

وربي ما اقدر اقول عنهم الا مرضى

والي جاي لابس بشت ويتمشى بين السيارات ..!

مقطع اللي لابس بشت للتحميل

والي عاكسين الشارع !!!!

والي طالع من دريشة سيارته وجالس يصايح !!! <<< انا هذا الي غابني تصارخ وتصايح ليش ؟

مقطع صوتك وماعندك احد ؟

عجب عجاب..

وفي ناس لقيتهم مشغلين دبكه وجالس يدبكون شر البلية مايضحك صدق

مقطع الدبـــكه للتحميـــل

تحمدوا الله بس ..

رساله لشبابنا :

ارتقي بنفسك شوي واجلس مع نفسك شوي وفكر باللي سويته باليوم الوطني

بتحس انك سخيف ومعتوه ..

بجد والله

فكر ...

وانت جالس مثلاً فوق الوايت تحس لو انك بكامل قواك العقليه ماسويتهاا

والا لو انك جالس بين هالعالم وتهز وترقص ..!

بجد والله ... مايسويها الواحد الا وهو فاااقد!

الله لايفقدنا الا بطاعته

.

يالله فتكم بــ عافيه << مندبله تسبدها من اللي شافته

حُرر في

غرة رمضان 1427 هـ

كتبته / شمــــــــــــوخ

**فايز البذيلي** · 30/09/06, (03:36 AM)

ياهلا بك شموووخ

واهلا بنتقاااداتك

تعليقا على وين اليوم الوطني قبل سنتين من جد والله سؤال يحير بس الله يرحم الميت ويبقي الحي

اما بالنسبه لكيفية الاحتفال هذا والله نلوم الجهات الحكوميه لشئون الشباب مثلا لو حطوا الاحتفال نقول بالرياض

في استاد الملك فهد ببرنامج مخصص وفعاليات والخ ولكن اهمال من تلك الجهاااات

لذلك لاالوم جميع ماذكرتي في سياق حديثك عن مافعلوا وبعدين الكل يعبر عن فرحته بطريقته

صح ان بعض التصرفات غير مقبوله لكن التوجيه غير مفعل بهذا المناسبات

لو قارنا احتفال الجنادريه على سبيل المثال لا تشوفين الفرق الواضح

بسبب واحد فقط انه يوجد جهة متبنيه ومنظمه تللك الاحتفال

كل التقدير لك ولقلمك الشكر الواااافر

محبتي

**فهد الخدلي الفدعاني** · 30/09/06, (04:29 AM)

انا سمعت عن حالة الهستيريا اللي صارت باليوم الوطني
والزحمة العنيفة على غير الزحمة المعتاده
كله بسبب هذه الحركات

>>>>>>>> ياهو ياعقل

من الجميل الاحتفال باليوم الوطني

>>>>>>>>>ركزي علي الجمله هذي ( من الجميل )

لكن ليس بالطريقه الخاطئه

لاهنتي ياشموخ علي موضوعس الرائع

عن اليوم الوطني

**][خالد الشملآني][** · 30/09/06, (07:46 PM)

...][ لاحول ولا قوة الا بالله ][...

وش نقول ..!

شباب طايش .. والله يهديهم ...

الف شكر لكِ اخت شموخ على الموضوع ...

تقبلي خالص التحيات .. اخوك ...

...][خالد الشملآني][...

**هيـاا العـازمـي** · 30/09/06, (08:06 PM)

شيء مؤسف

أهكذا يُـحتفل باليوم الوطني ..؟؟

ازعاج الناس وتعطيل حركة المرور

لاغريب أبدا

فعند البعض " هكذا تُورد الإبل "

مع الاعتذار

دمتِ لنا شموخ

تحياتي

هيـــاااا

**شمــــــــوخ** · 01/10/06, (10:17 PM)

هلا فايز

حياك الله ...

وصدقت المفروض الجهاات الحكوومية لها دور في كيفية الأحتفال

وضبط الأمن على الأقل بالشوارع..

كل الشكر لك ولحضورك

.

دمت بخير

**شمــــــــوخ** · 01/10/06, (10:19 PM)

هلا فهد

حياك الله ..
يوووووووووووه أجل الخبر تعدى الحدوود

يافضحيتنا

هي زحمة وبس قووووول هبال الله لايبلاانا ..

.

كل الشكر لك ولحضورك

.

دمت بخير