الشاعر اللي يـدوّر مصـدر إلهامـه
يردّهـا بالنصيفـه عنّـه وعـنّـي
ما كلّّّّّّّّّّّ طرق ٍ يشوقه يحكـم إبرامـه
حتى يشيّـد عليـه البيـت ويغنّـي
الشعر فيض الشعور وهامتـه هامـه
بـاب ٍ وراه الطـواري مـا يوننّـي
فن ٍ يبي دعم لين ترفـرف أعلامـه
ولا يدعم الفنّ غيـر الداعـم الفنّـي
كم شاعر ٍ ردّها في عضّـة إبهامـه
لا واحلا لاه .. لوّ أنّـي و لـوّ أنّـي
مواهـب ٍ مالهـا مفتـي وعـلاّمـه
فـالمذهب الشيعي وفـالمذهب السنيّ
فلان عام البحر .. وفـلان ماعامـه
ولا ني وكيل البحر يا هنّ ابن هنّـي
راسي ليا شوّشـت خلفـه وقدامـه
والله ما أدوّر عليهـا مـن يعاونّـي
أسلّ نوم العوافـي وأذبـح أحلامـه
لا شفت رمح المطنيّ يزرق مطنّـي !
حنـاّ ثلاثـه وكـلّ ٍ شـاف غراّمـه
أنا واعوذ من ( أنا ) والذيب والجنّي
على مدار السنه قلبـي فـي دوّامـه
يا ما بكت عيني ويا ما ضحك سنّـي
أتابـع محاكمـة صـدام وأزلامــه
وتسعيرة النفـط بالـدولار والينّـي
قايد نظام الظلايـم فـآخـر أيامـه
قامـت عليـه المنايـا يستديـرنّـي
ذليل من وجهـه وشكلـه وهندامـه
يعـنّ بالسلسـه للمحكمـه عـنّـي
وتعرض على التلفزه نـوادر أفلامـه
يوم ان قلبه معـه سالـم ومتهنّـي
وإليا قضا وأنعدم يستاهـل إعدامـه
وأقلّ ما يستحقّه حسـب مـا أظنّـي
كم بيّت شيّد عـزاه وعـذّب أيتامـه
وخلاّ عليـه القهـر بـارك ومتثنّـي
يذوق ما قدّمه في سالـف أعوامـه
عن كـل ونّـة يتيمـه لازم يونّـي
شف عاد كم ونّه ونكبه من اجرامـه
( وياالله بأمانك من النكبات تامنّـي )
تلعب علينا العواطـف لعبـة الدامـه
جرايمه فـالشريعه وش يسمنّـي ؟
هذا جزا كل ظالـم صـرّت أقلامـه
يا الله عسى أقلام من غرّه يصرنّـي
منقوله للشاعر سداح ............................تعديل//مصلح النشمي
06/11/06, (05:30 PM)
أتابـع محاكمـة صـدام وأزلامــه !!
العرض العادي
