بسم الله الرحمن الرحيم
أعضاء وزوار هذا المنتدى العريق .....؟
(( دمتم بخير ومسرات ))
يسرني ويسعدني أن أتحفكم بهذه القصيدة المتواضعة
((((( بشخص يستحق أكثر من ذلك )))))
.. له ..
.. ولكم ..
.
.
.
.
.
.
.
.
.
.
خالص تحيااااتي ..
الحمد للي بيـده الملـك والخيـر = رب الملا عالـم خفـي السريـره
ربي جليل الملـك وال المقاديـر = الواحد اللـي مالنـا رب غيـره
قالو نعم للطيـب كـل المناعيـر = أهل الفخر والعز وأهل البصيـره
روس الرجال اللي تهز الطوابيـر = لطامت العايـل ووجـه المغيـره
ربعي هل الطولات حبس المظاهير = حمايت التالـي نهـار الجريـره
نزالـه الأقفـار شرابـت البيـر = العـزوه اللـي مايـردد نشيـره
ساس الفخر نسل الرجال الأكابير = عدوهـم دايـم عليـه الكسيـره
يقفي وهو عايف بكل المخاسيـر = ينسى القليل ولا يحسـب كثيـره
ماخص واحد كل ربعي مشاهيـر = عشيـره ياويهـا مـن عشيـره
قالو (فهد) قلت الفهد صاحبي غير = هذا ولد (طايع) علومـه كبيـره
صنديد وافي في جميع المعاييـر = هـذا ومثلـه للمواقـف ذخيـره
هذا ولد (سمرون) ليث الصوابير = سيف مجـرب مايضبـه جفيـره
حيو فهد حيو جميـع المسافيـر = حيوه يا أصحاب الوجيه السفيره
حيوه من شان العفـون المثابيـر = تعزل عن الجمهور في كل ديـره
ماعندنـا حنـا تحفـظ وتشفيـر = دايم كذا يا أهل النفوس الشريـره
حنا ترا ماهمنا عويـر وصويـر = ماهمنـا مقـدار حبـت شعيـره
منهاجنا هـذا ونهـج المغاويـر = اللي تعرف الطايلـه والقصيـره
أقولها وأكتب على الوضع تقريـر = الوضع الأول والعلـوم الأخيـره
حنا بني وايل سيـوف وبواتيـر = من خلقت الدنيا حمات الجزيـره
حكامها حنا مـن عمـان للديـر = من شرق تنـوره لحـد البحيـره
تشهد على ذلك جميع الجماهيـر =من رادنا بالشـر ماطـار طيـره
أقولهـا وأكـرر القـول تكريـر = والعلم واضح والمعانـي غزيـره
وأضنها ماعـاد تحتـاج تفسيـر = كل وأنا ماضي يحاسب ضميـره
وصلات ربي عد ماغـرد الطيـر = علـى نبـي كـرم الله مصيـره
.
.
.
.
.
أخوكم / ماضي الصبر
.
20/05/07, (10:09 PM)
حقيقة بقصيدة إلى / فهد طايع النومسي .. مع التحية
العرض العادي
