ألـــعـــب .. غـــيـــرهــا ....!

[بدر الحنيف]

،،


اسعد الله اوقاتكم .. بكل خير ..

أخطيت من أول .. لك بشوق لبّيت = وجيتك من عيون المعاناة جالي
جيتك .. معي بقلب ٍ .. بلياه رديت = وبعيون طبعي .. شفتك انسان عالي
حسنك .. شغلني .. عنك لكني أغليت = ألين ما شفتك .. مثل راس مالي
مديت لك .. كف الغلا .. وانت مديت = غدر الزمان .. وحكمه الانتقالي

جيتك . على النيه من الشوق طليت = صبح ٍ .. حفظ عن غيب .. درس الليالي
خصيتني ... جرح ٍ.. وبدواه قفيت = من هبال طيبي .. لا .. بطيبي هبالي
حسيت متاخر .. بعد أيش .. حسيت = لما .. فقدت اغلى جواب .. لسؤالي
بنيت لك بيدي ولايه .. تناسيت = وبــلا .. ولايــه .. أول .. تعيش والي

يعني عشان ارضيك .. كل شئ سويت = ولا اخذت منك الا الشقا .. والعنالي
الى هنا .. كفيت جدا .. ووفيت = مافي .. مكان لجرح .. والقلب بالي
" فــل " الخفوق جروح اعطيت .. وارهيت = الين صار من الفرح .. شبه خالي
انا على النيه .. من القلب لك جيت = واثرك تاخذ من جروحي تسالي
صبرت .. لكنك بطعنك .. تماديت = وانا اجني .. الطعنات على التوالي
تعبت اطوّف لك .. ولا شفت حسيت = ذبحتني بأحساسك .. اللا مبالي

خلاص انت المخلص .. بطيب كفيت = ينسج وفاك .. احساس راقي وعالي
حضرتك ما تخطي ولا يوم زليت = دايم انا الظالم .. وانت المثالي
من رقتك .. تسحب قدمك .. ان تمشيت = تخاف لا تجرح شعور .. " الزوالي "
تضحك على نفسك .. عشانك .. توازيت = ولا عذر .. يوم ٍ سفهت اتصالي
اقول عاد اسمع .. ترى جد مليت = خلك معي " دغري " .. واخليك غالي

انطح .. صياح .. صياح .. لامني اخطيت = قديمه .. ألعب غيرها .. يا حلالي

احـــتـــرامــــي لــلــــجـــــــمــــيـــــع ،،