مسائكم \صباحكم ... ورد ...
اخواني .. اخواتي ... اعضاء منتدى ويلان ... الأفاضل
اتمنى ان تعذروا تقصيري .. في التواجد بينكم ... فالوقت دائما يخالفني .... لكن تأكدوا أن ويلان ومن فيه في بالي دائماً ....
الآن...
متواضعه تأمل الرُقي الى صفاء قلوبكم الراقيه ..
خذ ماتبي ياصاحبي بعطيك مـن نـزف القصيـد=دامك طلبت إمن الحروف أسمع اجـل مضمونهـا
البارحه ليـل(ن) سرابـي للزمـان اللـي بعيـد=ذكرى الزمان (الأوّلي) جـا طالـب(ن) لديونهـا
حاولت أعبر له .. عبث..عيا.. وبدالي من جديـد=وأرخيت له .. ثم شد لي .. عارف بحمل متونها!!
الجـادل اللـي كـل مافيهـا يُصنّـف بالفـريـد=ذكراه عندي في كتـاب العشـق بسـم عيونهـا
لبيه ياذكـرى الهـوى لبيـه يالحـرف السعيـد=لبيه فـي هندامهـا وحضـرة جنـاب جفونهـا
اللولـو اللـي كنّـه المـا لاتـحـول للجلـيـد=حارسه سكر شفتـه ولـون الكـرز مـن لونهـا
ياصاحبـي لاشفـت طيفـه كـل مافينـي يعيـد=مرات خـدر عيونهـا ومـرات صـف سنونهـا
وياصاحبي شفت (القدر) للعشق ماهو لـه حميـد=إن كان ماعوكس بها .. (الموت) جا من دونهـا
هذي معاني حالتي (والحزن) كنّـه لـي عضيـد=دنيا(العـواذل) لَنّتهـت يبـدا جديـد طعونـهـا
وأعود له عاشق وقلبي بالهـوى يرجـع يسيـد=ويعود لي مثل (الملاك) اللـي سكـن بشجونهـا
أصير له حارس ويسكن (مملكة)مجرى الوريـد=وأنعيش من عمر(الفرح) وأعطي وعد ما أخونهـا
هـذي (أمانـي) والامانـي يارفيقـي للوحـيـد=شي(ن) يسلـي خاطـره وأبقـى أنـا ممنونهـا
خذ ماتبي من حالتي وأنصحك في (تاج) القصيـد=نبقى على مـر الزمـن (ليلـى وأنـا مجنونهـا)
وسلامت قلوبكم .. وأعذرونا من القصور
25\6\2007