(( حتى شريطك بالخواتم شريته )) ..؟؟ - °~*¤®§(§ شبـــكة ويــلان العـربـيـه §)§®¤*~ˆ°

**موسى المشعان** · 28/05/05, (02:20 AM)

قولي وش الي جابك اليوم السوق "="يا منقضه بيديك جرحٍ نسينه
يابنت في قلبي دماميل وحروق"="وانتي سببها دون ذنبٍ جنيته
شوفي طعونك بطرف الكبد من فوق"="وعلاجها في عالمي ما لقيته
من يوم خبرك دمعتي بمحجر الموق"="حزنٍ لك الله بخا طري ما قويته
ياما سهرت اليل من زا يد الشوق"=" لا مر طيفك في عيوني حتويته
غيرك فلا حبيت يا بنت مخلوق"=" الله مـنٍ حلـمن بقلـبي بنيــته
حب النقا مابين عاشق ومعشوق "="كانك عزيتي حبنا ما عزيته
غنيت لك يا بنت في كل طاروق "=" وكم خايعٍ من دمع عيني سقيته
لجلك معاليق الحشا كلها فتوق "="جوفي لطعنات الموده عطيته
ردت علي بشويش والصوت مخنوق"="ما تشوف حالي في غيابك بريته
انوح نوح الورق والزاد ما اذوق"=" حبٍ عجزت أكميه بس ما حكيته
اغفي علي همسة قصايدك وا فوق"="حتى شريطك بالخواتم شريته
هذي بقايا الجسم اعظام وعروق "=" كم ليلة يا مويس زولك رجيته

**محمد المقبل** · 28/05/05, (02:36 AM)

اغفي علي همسة قصايدك وا فـوق"
ـــــــــــــــــــــــــ"حتى شريطـك بالخواتـم شريتـه

حتى شريطك بالخواتم شريته ..لاتعليق

شاعرنا ومشرفنا الرائع ابو محمد والله قمة الروعه وكيف ماتكون في قمة الابداع وشاعرها موسى المشعان اسمحلى

اضيفها في مجلد محفوظاتي الخاصه لاعدمتك اخي العزيز,,

ودمت لنا بكل خير وعافيه

**سالم الجهبل** · 28/05/05, (02:49 AM)

اغفي علي همسة قصايدك وا فـوق"
"حتى شريطـك بالخواتـم شريتـه

هلاهلا اخوى

انا اشوفك نمت وانا واياك معزومين وتركتنى وانا يالله القى معزبنا

لكن خذه وانا اخوك

وش فيك ياموسى نسيت العزيمه---------------------------قفلت جوالك وانت الدليله

جريمة ياكبرها من جريمه---------------------------------لولا اتصل سلطان ما لى وسيله

لولا لكم قدر ومعزه وشيمه----------------------------ثلاثة ابيـات تراهــــــــــــن قليله

**محمد الدلماني** · 28/05/05, (02:56 AM)

اغفي علي همسة قصايدك وا فـوق"
"حتى شريطـك بالخواتـم شريتـه
هذي بقايا الجسم اعظام وعـروق "
" كم ليلة يا مويس زولـك رجيتـه

رائعه ياشاعرنا

صح لسانك مليووون والله لايهينك

**مزيد المزيد** · 28/05/05, (03:14 AM)

ياحي هالزول اللي مبهذل" بالضعيفه

صح لسااانك مليوووووووووووون يابومحمد

وقصيده رائعه لاول مره اقرا مثلها بقصائد موسى المشعان

وهذا يعني ان هناك سر خطير وشيء مهم في حياة موسى جعلته يكتب هذه القصيده

ابومحمد

لاهنت وصح لساااااااااااانك

دمت بخير

**صالح الضويحي** · 28/05/05, (03:50 AM)

حب النقا مابين عاشق ومعشـوق "
................"كانك عزيتـي حبنـا مـا عزيتـه
غنيت لك يا بنت في كل طـاروق "
.............." وكم خايعٍ من دمع عينـي سقيتـه
لجلك معاليق الحشا كلهـا فتـوق "
............."جوفـي لطعنـات المـوده عطيتـه
ردت علي بشويش والصوت مخنوق"
............."ما تشوف حالي في غيابـك بريتـه
انوح نوح الورق والزاد مـا اذوق"
............." حبٍ عجزت أكميه بس ما حكيتـه
اغفي علي همسة قصايدك وا فـوق"
..........."حتى شريطـك بالخواتـم شريتـه

الله
الله
الله
ياموسى المشعان

لحظه
لحظه
من فضلك00

خلني اقراء
وأقول لك ليه
أنت أبدعت

ردت علي بشويش والصوت مخنوق
ماتشوف حالي
أنت ماتشوف حالي
انت ماتشوف حالي
متشوف حالي في غيابك بريته ؟

سؤال يكتب القصيده
قبل ان يكتبها شاعرها

سؤال
بلهفه
وشوق يكفي
ان يشعل المشاعر
ويستثير مكامن الابداع
لدى شاعرنا القدير
كيف لا
وهو سؤال محب

هنا

قصيدة
غارقه بالابداع
شارقه بالنقاء
فارقــه بالتصوير

صح لساااااااااااانك ودام ابداعك وهكذا ننتظر منك00

احترامي وتقديري

**عبدالله ثويني المانع** · 28/05/05, (01:27 PM)

صح لسانك يا بو محمد قصيدة رااااااااااائعه كروعة شاعرها

ونحن نغفو ونفيق على جمال قصيدتك

دمت بخير