2007 Summer **العاصمه الكشخه في قلوبنا **

[شمــــــــوخ]

يالله حيـّهم

هالموضوع راح يكون بإذن الله مرجع لكل اللي يب يروحون للرياض ..



8
8

عندنا زفلتت شوارع ماتحصلونها عند أحد غيرنا



اتحدى فيه ديرة في أيام اختبارات نهائية والساعه 12 بالليل وهالزحمة فيه !!

لاصرت بالخبر نطلع الساعة 11 بأيام الدراسة مستعجلين خوفك المحلات تسكر

مثل ما قلت.. المشاركة مفتوحة للكل و مقتصره في هذا الموضوع عن العاصمه و بس << قلب يقرقع

سولفوا لنا عن تجاربكم مع المطاعم و الفنادق و المولات و الأماكن اللي عليها القيمه في

الرياض .. و اللي عنده فكرة أو نصيحه عن اسعار فنادق معينه لا يبخل علينا

برضو اللي عنده صور لا يبخل .. ننتظر مشاركاتكم اللي تب تشعلل الموضوع : )

ودنا نقول لا وصلتوا هناك أهل الرياض يب يساعدونكم بس

المشكله كلهم يب يصيرون بالشرقيه أو برا الرياض...

لذلك أي أسئلة ما راح نقصر معكم إن شاء الله بس عجلوا علينا قبل نمسك الخط

::

ببدأ معاكم ..



أحلى منظر لايفوووتكمــ منظر حي ومباشر من قلب الحدث أقصد العاصمه الحبيبه



مجمع الظهران + الراشد + فؤاد سنتر = ثلاث ادوار من هالبرج من جدكم انتم ؟

<< هذي اللي تبي الهواش


::

[شمــــــــوخ]

::



برج الفيصليـــــــــه ... لايفوتكم بالليل تشوف الرياض كلهاااا



الجسر المعلق بالرياض .. يربط بين الشرق والجنوب ومفتتحه الأميرسلمان

يعني اللي بيذب عالجسر بيروح ملح



منظر من قلب البطحاء للي مايعرف البطحاء هناك زحمه وسوق ومحلات أجهزه وكل شيء

وخصوصآ يوم الجمعه تكون زحمه

كذا سمعت والا أنا عمري ماطبيتها << عيني بعينك

::

[شمــــــــوخ]

::

الأســـــــــــواق

نبدا من عند الفيصلية والمملكة :

طبعا المملكة فـ الدور الاخير فيها مملكة المرأة اللي تحافظ على خصوصيه المرأة بنسبة 100%

يعني اشتري وتبضعي وانتي فاتشة وفيها جسر مشاهد للرياض الشخص بـ25 مو متاكده من السعر

بالاضافة لاحتوائها على اشهر المتاجر للماركات العالمية <<<متعوب على المتاجر

نطلع للعقارية 1 و2 و3 وقريبا وبنفس الشكة بتفتح العقارية بلازا الظاهر اني قاريتها كذا

عماير السيركون كلها محلات لملابس السهرات والسبور شيك او الكاجول

طبعا ما يفوت اي احد يجي للرياض من انه ياخذ له لفه فيها خصوصا انو في بعض

المصممين ما تشوف تصاميمهم الا عند المحلات اللي هناك

نطلع فوق بعد لحد سنتريا مول سوق جديد بس اسعاره هبال بشكل لا يوصف

قله حيا صراحة بس ما ينمع انا نرزه معهم

صحارى سوق كبير ماعليه جنبة بعد صحارى بلازا

الحياة مول رايق وحلو ومحلاته تقريبا جديده فيه سوبرماركت الدانوب جنب صحارى على طول مايحتاج سياره بعد

وهذي صورته من براااا



وفيه رويال مول سوق حليو ما عليه

غرناطة اللي جاي للرياض لفتره قليلة ويبي يتسوق ويقش ملابس ومو فاضي يروح لكم سوق عليه بغرناطة

شي رهيب صراحة ومحلاته اغلبها جديده ومالها فروع ثانيه..

العليا مول سوق موب بكبر حجم غرناطة ولا حياه مول ولا المملكة والفيصلية سوق على قده

يعني اعتبره انا للاقمشة بس

الأندلس سوق للاقمشة بعد (بالنسبة لي والا فيه محلات للملابس والجزم وغيره )

تعبت يديني ولسى ما عديت باقي اسوقتنا

يتبع

::

[شمــــــــوخ]

::

المطاعم

شارع التحلية من اوله لاخره قهاوي ومطاعم

هنديه اميركية ايطالية لبنانية فرنسية يابانية فاست فود سي فود اللي تبون ...

يعني اللي يروح هناك موب ضايع خصوصا ان اغلب مطاعمنا بالويك اند ما تسكر الا الساعه 2 تقريبا

والقهاوي صباحي على ما اظن ..

بلانت هوليود من مطاعمي المفضلة صراحتن لاتنسون تمرونة تراه بالمملكة : )

فدركرز بالتخصصي وفرروعه مدري وين منتشره

لين ضيعتوني بتلاقوني هناك

مطعم فدركرز .. باي وقت وباي مزاج هالمطعم احبه .. حتى لو شبعانه ورحت له ماعندي مانع ..

< ومستانسه يالمشفوحه

وعندهم شيء يتعبني نفسيآ <<



طبعا الفرع اللي بالتخصصي بالظهريات مايطاق عشان البزارين اللي هناك طالعين من مدارسهم

بس بالاوقات العاديه روااق

واحلى شي انهم فتحوا له فرع بصــحارى و يلوموني بهالسوق بعد ,,

وبما اننا حول التخصصي فما نبعد عنه ونحكي عن المطعم اللي على طول جمبه وهو كريب اوي

مدري ســبحان الله ماحبيته هالمطعم مع ان اكله مهوب شين بس مدري .. جربوه اذا فيكم حيل

,

ومن كريب اوي ننتقل لمطعم بالسليمانيه نسميه مطعم الطفــره واللي من نفلس نطيح فيه
وهو مطعم هندي اسمه مكاني

.. واسعارهم حلوة يعني انتي واهلك ان تعديتوا الميتيين ريال فاانتم موب طبيعيين اكيد
المشكله الوحيده بهالمطعن ان جلساتهم مهيب ذاك الزود .. بس اكلهم لايعلى عليه ..

,

,

ودامنا حول التحليه خلنا نستعرض اهم الاشياء اللي فيها



تشيليز وهل يخفى القمر .. توه فاتح عندنا وانواع الزحمه للحين مااستوعبوا الناس انه فتح

يخافون يسكرونه الظاهر
مقبلاااتهم تصيييح خاصه شي مدري وش يقاله ..< افدتينا صراحه

,

ابل بيز



نفس حاله اللي فوق بس قلت الزحمه فيه عن اول مافتح ..
اكلهم مدري وشلون مره يعجبني ومره مااستسيغه .. بس عموما حلو ..

,

وفيه مطعم ايطالي توه فاتح من شهر يمكن اسمه لي لومبو ...
ومسوي حركه سخيفه وهي انك ماتجيه الا بحجز .. طيب والمطافيق اللي مايدرون اي مطعم يروحون له
وكلش عالبركه وش يسوون بالله
اسعاره مرتفعه شوي .. يعني لو يستاهل كان يمكن اهضمها بس اكلهم احسه عادي ..
باستثناء الفوتشيني حبيتها : )

,

[شمــــــــوخ]

::

نكمل المطاعمــ <<<< سياحتها كلها مطاعمــ

ستيك هاوس



فيه منه 3 فروع " اذا منيب غلطانه "
وواحد في شارع مدري وشو .. <<
وواحد في سوق غرناطه
أكلهم لذيذ .. بس ثقيل شوي
يعني يصلح للغدا ..

::

كوفي & مطعم



نسيت وش أسمه ..
هو في مملكة المرأة جمب سينامون
جداره كذا قزاز وفيه شاشات
أكلهم حلو .. فيه عصيرات وكوفيات وأيس كريمات وكل شي

::

" la casa "



مطعم أيطالي .. في شارع الملك فهد الظاهر
<< تراني سعوديه بس ما أعرف الشوارع
أكلهم لذيذ بس على انه ايطالي البيتزا مو مرة .. أحلا شي عندهم
المكرونه والمقبلات ..

::

كوبر شندني



مطعم هندي .. في التحليه
المطعم جديد وديكوراته حلوهـ ..
بس دايم زحمه في الليل .. يعني اللي بيروح له يروح غدا احسن

::

خـلاص يكفي مطاعم بتسمنون !!

::

[شمــــــــوخ]

::

نجي للمنتزهات ياكثرها ..
صراحه انا مو من النوع اللي يروح ملاهي وذا الأشياء كثير
يعني ما أعرف أشياء كثيرهـ منها

إذا عندكم بزارين وماتدرون وين تحطونهم ودوهم ملاهي قروش
لأن الملاهيات الكبار كلها عبيد ياكلون البزران

ملاهي القروش :

" fun time pizza " فن تايم بيتزا

دورين .. في شاعر الملك فهد < الظاهر بعد
جمب الجمعيه الخيريه .. ملاهي صغيره بس حلوه وماتخوف
ولو تبون تسوون فيها حفلات .. يتكفلون بالأكل وقروش اللعب للأطفال ويجبون مهرج
وخرابيط توسع صدور البزران .. ‘

/

ملاهي الفيصليه

في القبو تحت الدور الأول ..
تروحون السوق وتخلون عيالكم فيها آمان مايجونها العبيد
والا لو حبيتوا تجلسون معهم .. فيها د كيف وباسكن


/

عبقرينو

في مجمع البستان .. جمب فيد ركرز
بس تخوف الحين صايرين يجونها ناس مدري وش يبون
من زمان مارحت لها .. بس حلوه فيها دورين
الدور الأول ملاهي .. والدور الثاني فيه زي السينما للأطفال
وفيه ركن يخلون الأطفال يصلحون بيتزا ووو ..


/

وفيه مجموعة الحكير لاند فيه أيام للعوائل وفيه أيام للنساء فقط
مسوين تخفيض هالأيام الأطفال والشغالات مجانآ دخولهم

الى جانب المرسى والطقه اللي هناك ورابعض صف تلقونها << خوش مرشد سياحي

::

خلصنـا الملاهي


فيه نادي المناهل .. " الأمواج "
زي الملاهي المائيه
مسابح وزحاليق .. وفيه مسبح فيه أمواج ..عشان كذا سموها الأمواج
المهم انها حلوه .. بس بعيده مدري وين دقوا على الاستعلامات

وفيه بعد ( الفانتزي لاند - البحيره - الديره - الياسمين - الثمامه - الساحل ... الخ ) من المجمعات
الأستراحات .. والشاليهات والمسابح

نادي الفروسيه بالرياض كذلك

ايه صح وعندنا اسواق شعبيه . . مثل شوق حجاب في النسيم . وفيه سوق الحريم والبسطات
والبطحاء .. وشارع الثمـيري كل ما يتنماه الرُجل في شارع واحد ,
وأمانه مدينة الرياض
ومتـحف صقـر الجـزيره ..

وعندنا بعد أفضل مستشفيات .. وأفضل سابع مسشتفى ..
مسشتفى الحرس الوطني [ مدينة الملك عبدالعزيز الطبيه ] .

وفيها بعد [ الكابموند ] سكن الأجانب < هذي اللي تبي تجيب العيد

::

وعندنا أشياء كثييره بعد

لأن الرياض تعتبر واجهة المملكه العربيه السعوديه مو مثل الشرقيه وجده << انقهروا

فيها قصر الملك عبدالله بن عبدالعزيز وقصر وليّ عهده الأمين سلطان بن عبدالعزيز
وفيها رئاسة الحرس الوطني والقاعده الجويه ومطار الملك خالد .. اكبر مطار في الشرق الأوسط
وبعد .. وش أقول عن أهميتها

الى جانب الفنادق والشقق السكنيه الفاخره وأسعارها معقوله ..

::

وصـح فيه بالرياض .. بيتنا , حياكم الله ِ انواع الترفيه بلاي ستيشن .. تلفزيزن 42 بوصه لقناة المجد فقط
ومجـلس طويل عريض .. وبهُ صقور , وعلوم ٍ غانمه .. و

::


لو الرياض لها يد .. مسكت يدها وتمشيت وياها

<< فاضت القريحه

::


وحيااكم الله

لو تذكرت شيء برجع احطه لكمــ

::


شمـــــــــــوخ

[عبدالله الفهد]

السلام عليكم ورحمة اله وبركاتة

الأخت العزيزة شموخ موضوعك اكثر من رائع بل يرقى الى التميز.

الى قبل سنة انا ماكنت اتحمل التواجد في الرياض اكثر من 3 الى 4 ايام

ولسبب ما اقمت في الرياض لمدة شهر او اكثر شوي

المهم بالفترة هذي بديت اتعرف على الملامح الحقيقة لمدينة الرياض وفعلا اكتشفت انها مدينة

اكثر من رائعة مدينة قل مثيلها بالعالم وانا اعني ما اقول وليس مجاملة مدينة تعجز الكلمات عن وصفها

واكتشفت سر تعلق اهلها فيها وعذرتهم بانهم لايقبلون ان تنتقد مدينتهم ولو صغر حجم الانتقاد.

وعلى الرغم من اعجابي بمدينة الرياض ما ارضى على الشرقية لان كل مدينة لها حقها ولها مميزاتها

ويكفي ياهل الرياض انكم بالأجازات والأعياد متبطحين عندنا ومسوين زحمة اتحداكم تقولون لا......