المكان / قصر لؤلؤة الشمال
المناسبة / زواج الأخ الشاعر ياسر بن علي الفليو
الشعراء المشاركين /الشاعر خلف المشعان والشاعر أنور بطاح
عريف الأمسية / أخوكم أحمد عايض الشراري والذي تشرف بهذه الدعوه الكريمه .
بمناسبة زواج أخونا الشاعر ياسر بن علي الفليو أقيمت أمسية شعريه أحيياها الشاعر الرائع خلف المشعان وبمشاركة شاعر الجمهور الشاعر أنور بن بطاح والمشارك في برنامج شاعر الجمهور على قناة فلاش ويعتبر من الشعراء الشباب الذي ينتظرهم مستقبل كبير وكما يستحق منا الدعم والتشجيع في مسابقة شاعر الجمهور بعد تأهله للمرحله القادمه وهذا أقل مانقدمه للمبدع انور بن بطاح العنزي.
حيث القى الشاعران العديد من القصائد الرائعه ولعل كان نصيب الأسد للشاعر خلف المشعان الذي ألقى العديد من أروع قصائده التي نالت أستحسان الحضور ولعلني أذكر لكم بعض ماقيل في الأمسية الرائعه حيث بدأ الشاعر خلف المشعان بقصيده ترحيبية
يقول فيها
مساكم الله يالشرارات بالخير= وعساه دايم مايفارق مساكم
دورت من جزل التعابير تعبير= ولالقيت اللي يوازي غلاكم
حيث أنكم بالطيب والمرجلة غير=والجود يااهل الجود ربي حباكم
وكذلك قصيده بعنوان { بين العصر والمغرب} نذكر منها
( بين العصر والمغرب ) على طريق الميه =طاحت عيني .. على اللي طاحت عليّه عينه
يوم التفتّ بجنبي .. بالمرتبه الخلفيه ...!!=والاّ .. الغزال الشارد .. مدري من اية طينه
شفت اللكزس باللكزس .. رقم اللوحه ( ري ي 100 ) =قلت بقلبي .. ياقلبي : ( وينك والحلو وينه )
ضوٍ.. سطع واجهرني .. وقمت اتّقي بيديه = مدري بياض اللكزس .. مدري بياض يديـنه
اشرت له واشّر لي .. يعني فهم عليـه .. !!=بس ( البخت ، والزحمه ) حالو .. مـابيني وبينه
قمت ازوي السوزوكي .. وامشي عليها ميه= لين البساتم طقن .. وانفقعت .. الماكينه
عيني عليهم راحو .. قبل اصفط الملويه =واتلى العهد بعيونه ( مخرج وسط المدينه )
وكذلك قصيده بعنوان { السالفه ماهي إعجاب} نذكر منها
يابـو يزيـد .. السالفـه .. ماهـي اعجـاب=مافـي .. قصيـده ... قلتهـا .. مااعجبتهـا
دقت .. علـى قلبـي .. وشـرع لهـا البـاب=الجـادل .. اللـي : ( هـه ) طـول رقبتـهـا
جتني .. تطشطش .. ديمهـا فـي شهـر آب=مـن زينهـا .. حتـى الفصـول ، اقلبتـهـا
( ريميـة ٍ).. لـو رحّبـت بالصخـر .. ذاب=ياخـوك .. والله .. ياحـلـو ( مرحبتـهـا )
جتني بليـا .. سابـق .. انـذار .. واسبـاب= تقـول .. ( شرطـان القصيـد ).. أذهبتـهـا
وقمـت اتثيقـل .. قالـت : شجـاب لا جـاب=حتـى .. ضحَكـت .. وضحكتـي ، خربتهـا
قلـت : وأنـا .. .. قالـت : ( احـبـاب ) ؟=قلـت : ايـه .. وجنـون الغـرام .. اركبتهـا
واستدركت .. قالـت : واذا كنـت لعّـاب ..ّ!!=قلـت اسحبيهـا .. واستحـت .. واسحبتهـا
وكذلك قصيده بعنوان { عرفت وجيه}
ياكثرهم .. لا قلت لك .. عرفة وجيه=وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه=ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه=ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه=ورجل ٍ .. يجي طاريه في كل حـزه
ورجلٍ يهزه .. بعض موقف ويشقيه=ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه=ورجلٍ .. كلام اعداه .. مايستفـزه
ورجلٍ .. تلزه يعترف لك .. بخافيه=ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيه=ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه=ورجلٍ .. بليّا ما توصيـه .. كـزه
من لا فرش .. للمرجله .. ماتغطيه=ومن لايخز .. الناس .. محدٍ يخـزه
ان كنت تعرفني فهي .. عرفة وجيه=. مو شرط لك بالقلب قدر .. ومعزه
وقصيده بعنوان { الدين أمرك }
الدين .. أمرك .. تقاطع الكفار .. قبل الدينامرك = وشلون ترجي من كفر بالله ...... يفكر بالنبي
تبي اتّثارى للنبي .. لازم يكون أبعد نـظرك = قبل اقتنع باللي تبي .. يلزمني افهم وشتبي
لو شلت ضرس المبتدا تبقى عروقه في خبرك =ليه المراوغ والدجل .. ياريشة الصدق اكتبي
ماكانت امريكا .. قبل شهرين تنذر من خطرك ؟؟=والا انت تطلع صحوتك .. فجأه .. وفجأه تختبي
تفتح بصرك بمسألة .. وبمسألة تعمي بصرك =بعض الحقايق موجعه .. ياريشة الصدق اسهبي
جبن البقر لو ينقطع تكسر لك ( الكيري ) ظهرك=يُرفع سهم ( هيفا ) .. إذا طاحت ( رزان المغربي )
وقصيده بعنوان { طريف}
أنت اتمنى طريف ما صيدك طريف= صيدك تعــس الـديـــره الـــــي وراهـــا
اما انا لطـريف مبطـي علـى جـريـف =مبطـي وانـا عيـــنـي ترف ألـقــــاهــــــا
الديـرة الي ما مثل ضـيفها صيـــــف=يا عـلنـي فـــدوه نســـايم هـواهــــــــا
الآ يا بعد روما وباريس و جنيـــــــف=وباقي الديار ألــي على مستـــواهـــا
ديرة هل الطولات ما هي سوا لــــيف=هم مبتدى العلــيـا وهم منتهاهـــــــا
عدوهم يشرب مـــرار التــحاســــيف= وقصيرهم نفسه تزايد رضـــاهـــــا
تـعـرفـهـم الامـجـاد والـعـز و السـيف =والخيل و البيدى والـــي وطـاهــــا
والنـار والخـطـار والـبن والـكـيـــف=والطيب والترحــيب بـي لـــفـــاهـــا
يا عـنـك مـاهـم حـاسـبين الـتكاليـف= في حزت ألشده وحـــــزت رخـاهــــا
من ظافها ما يشعر انه بهـا ضـيــف= ومن غاب عــنها زاد شـوقه وجاهــا
ما جابني لطريف ألا غلى طريــف=ينبض بقلبي من غلاكـم غــــلاهـــا
يا رب تاقاها السخط و الصواديف= وتسعد مسا اهلها وتسـعد مـسـاها
ويستمر الإبداع بقصيده بعنوان { فنجان طيني}
دايم .. أردد بين .. نفسـي وبينـي : =بيت ٍ لابن شعلان .. محكم .. وثاقه :
( الشين شين .. وماكر الشين شينـي=عدو جد .. ولا بقلبـك .. صداقـه )
شيه / التفت لي / حط عينك بعينـي =عمر المنافق ... مايخلـي .. نفاقـه
يومٍ .. تمدّحني .. ويوم .. تهجينـي =وهرجك .. على الوجهين مابه لباقـه
مبطي / وانا اسمع بالرفيق البطينـي =الين شفتـك .. ماتحشـم .. الرفاقـه
إيه ادري انك بالكلام ... تعنيني ...!! =لكني احمق ( لو ) بـداوي الحماقـه
سولـف بكيفـك .. للمخاليـق فينـي =للطيب باب .. وللرديين ....... طاقه
اللي يبينـي / لا يخومـر / يجينـي =واللي يبي .. فرقا عيوني .. فراقـه
باقي .. معايه بيت .. بينـك وبينـي =راكب عليك / وهاك .. فكك وثاقه :
( فنجال طيني / ماانت فنجال صينـي =تبرك مباريك الجمل ... وانت ناقه )
وغيره من القصائد الرائعه والمميزه
ومن ضمن ماشارك به الشاعر أنور بطاح العنزي
بدأ بقصيدته التي شارك بها في برنامج شاعر الجمهور
وهي بعنوان { ياكويت}
( يا كويت )
يسعد مساك ويسعد الله صباحك =عسى حيـــــاتك كلها خير في خير
ياكويت غرّد واستمر بنجاحـــــك =وارفع شعـــــــار التنمية بالتقارير
خل الحضارة تستمد بوشاحـــــك =واسكب شموخك ما يفوق المعايير
عّل بمكانة منزلك من كفاحــــــك =علــم شعوب العولمة كيف بتصير
عراقة الإنسان وحكمة صباحـــــك =نبذة تواضـــــع في سموك يالامير
وسّم دروب المجد عزة جماحـــــك =واثر بطموحك ما يعوق المشاوير
حرّك حلالك في موارد مباحــــــــك =واستفرد الطاعــــــة لرب المقادير
يا كويت حنا مانسينا جراحـــــــــك =أسراك وسط قلوبنـــا اصغير وكبير
حنا وقفنا من سمعنا صياحــــــــــك =واليوم لو تطلب نلبي طوابـــــــــــير
من أرض أبو متعب نزيد انشراحـك =بالرد والفزعـــــــــة نسوق التباشير
نروي مرار الذل منهو استباحــــــك =ونقطع رشا مــن صدّرونا على البير
كم جرهدن طفناه يوم اكتساحـــــــــك =نمشي بلا دم وهويــــــــــــة وتفكير
نرفع يدين النصر بعد اجتياحــــــــــك =من مجلس الطايف نسينا المخاسير
صوّب قرارك واعتبرنا رماحــــــــــك =نبني جدار الحب وقفـــــــــة وتقدير
يتعب شموخه من يدور قراحــــــــــك =ويرمي بطوبــــــــه مبتغى كل شرير
يالحقد روّح وادرّج في رياحـــــــــــك =ولا ينشغل بالك سهـــــــــالة وتيسير
منا صغير السن يكسر جناحــــــــــــك =يمشي على خطو الرجـــال المناعير
من دور أبو تركي سلاحي سلاحـــــك =هذا العهــــــــد متوارثينه بتدبيـــــر
دام الخليج اللي يهمه سراحــــــــــــك =ما فكروا في سارقيـــــــــن الدنانير
يا كويتنا واجب علينا ارتياحـــــــــــك =ما هي صعيبـــة لو صفعنا لك الغير
أعلن على كل الحشود افتتاحــــــــــك =في شاعر الجمهـــور صدق التعابير
أحلى مسا يا كويت فيها اقتراحـــــك =أدلو بدلوي في حضــــــور الجماهير
وأسعد مسا يا كويت دامه صباحــــك =خلى حياتك كلها أعيــــــــاد تحــــرير
وكما شارك الشاعر الشاب أنور بطاح العنزي بقصيده ثانيه أذكر منها
ياشعري افزع هالمشاعر وحيده=وزدني على من زاد فيني تماديه
زدني عساني بالمشاعر اكيده= وقلبن حنون بي يمه تقسيه
يالشعر ماغيرك يعين الوليده= دام الردي صوبي صوته معليه
ورى المره صارت علينا شديده= ومن مثلها بثقالها ماثلن فيه
يابنت ماكل المواقف سعيده= ومن يمهل الله ما تطول لياليه
وبختام الأمسية قام والد العريس علي بن خلف الفليو بتسليم الدرع التذكاري للشاعر خلف المشعان
مقتطفات من الأمسية:
بدأت الأمسية الساعه 10 وأنتهت 11,30 مساءاً
كان هناك حديث جانبي بين المهندس مطلق الأسمر الشراري مديرإدارة الطرق والنقل بمنطقة الحدود الشمالية والشاعر خلف المشعان قبل بدأ الأمسية, الجدير بالذكر أن الشاعر خلف المشعان تربطه علاقه وطيده بالمهندس مطلق الأسمر .
كانت هناك طلبات من الحضور للعديد من القصائد للشاعر خلف المشعان.
ولعل أكبر فخر أنني تعرفت على شخص بطيبة الأخ الغالي خلف المشعان الذي
أفتخر بمعرفة أمثاله ومهما قلت لأبو موسى ماراح اوفيه حقه .
.أتمنى أنني وفقت في نقل التغطية وأعذروني إن كان هناك أي خطأ أو تقصير .
والان أترككم مع الصور
قبل الذهاب للأمسية أنا وبجانبي الشاعر خلف المشعان
من اليمين الشاعر خلف المشعان
يبدو الشاعر أنور بطاح يلقي إحدى قصائده
تكريم للشاعر خلف المشعان
من اليمين الشاعر خلف المشعان وبجانبه العريس الشاعر ياسر الفليو الشراري
من اليمين المهندس مطلق الأسمر والشاعر خلف المشعان
31/07/07, (03:40 AM)
خلف المشعان ينير ليل القريات شعراً { تغطية صور}
العرض العادي
