رمضان في بلدك - °~*¤®§(§ شبـــكة ويــلان العـربـيـه §)§®¤*~ˆ°

**ظامي الوجد** · 07/09/07, (09:37 PM)

أطرح ها هنا فكرة قد تكون جديدة

رأيتها في العام الماضي في أحد المنتديات

وهي بإختصار أن يكتب كل منا عن رمضان هذا الشهر الفضيل في بلده أو منطقته

كي نكون أرشفة لعاداتنا وتقاليدنا الخليجية أو العربية في هذا الموضوع

تحت ظلال هذا المنتدى الشامخ .

وأنتظر حضور الجميع

تقديري

ظامي الوجد

**صالح العرجان** · 08/09/07, (11:02 AM)

حـضـور

لابـداء الاعـجـاب عـلـى مـا تـقـوم بـه مـن عـمـل دؤب

مـر مـن هـنـا

صـالـح الـعـرجان

بـرايـفـت/
اذا مـا شـفــت الـقـشـطـه جـنـب الـتـمـر تـنـعـقـد الـحـجـان

**حمد الخمعلي** · 09/09/07, (12:13 AM)

حضــور

مشكور على هذا الطرح وهذه الفكره0

أخي صالح يقول إذا ماشاف القشطه جنب التمره ينعقد الحجاج0

ونا أقول إذا ماشفت الزبده عند التمره ما أفطر ذاك اليوم؟؟؟؟؟؟؟؟؟

تقـــديري

**فهد معزي** · 16/09/07, (04:14 AM)

يالبى السمبوسه

تفكها وتخلط اللحم المفروم مع الشربه

وبس ترشف

ههههههههههههههههههههه

**طيــف** · 16/09/07, (02:21 PM)

السلام عليكم

اخوي / ظامي الوجد
مبارك عليك الشهر وعساك من عواده
بصراحه الموضوع أعجبني

بس أعتقد الفكره غير عن اللي تفضلوا فيه اخواني
عموما مجاراتا لهم انا غرامي (التشريـــــبه) يعني بالسعودي (قرصان)

والحين بتكلم عن رمضان في (الكـويــــــــت)

طبعا العبادات والطاعات في هذا الشهر لايختلف عليها اثنين فالكل يحرص في هذا الشهر الكريم على ختم القرآن و المواظبه على صلاة التراويح والاعتكاف في المساجد في العشر الأواخر و أداء صلاة القيام لذا لن أسهب في الحديث عن هذا الجانب

الملحوظ في أول يوم من رمضان وبعد صلاة التراويح مباشرة تبدأ الزيارات العائليه لتبادل التهاني بحلول الشهر الكريم وهذا أروع مافيه (التواصل)

رمضان بالكويت يتميز بأكلات شعبيه واااايـــــــــــــد

من الحلويات نذكر (اللقيمات) و (صب القفشه)

ومن الطباخ نذكر مالذ وطاب (الهريسه) و (الجريش) و (التشريبه) و (القبوط)

الجريش

شنو بعد ياربي
<--- جاعت ههههههههههههههههههه
العصيرات (الشربه : الفيمتو والتانج) و (البيذان : عصير اللوز) و (قمر الدين)

وهذا البيذان

هذا بالنسبه للفطور

وتدرون بعد التراويح وبالوقت اللي قبل السحور انسميه بالكويتي (الغبقه) الناس تجمع وتاكل بس تكون شغلات خفيفه مثل (السمبوسات) و (الكبب) و (محشي رق العنب بالزيت) والحلويات مثل (الجلي) و (الكريم كراميل) و (المهلبيه) و (القطايف) و (ام علي) و كل وحده وشطارتها
زائد العصيرات والشاي والقهوه

ووقت السحور عاد مافيه شي محدد بس يتميز بأنه يكون أكل خفيف عالمعده

وبالكـويــــــــــت في عاده حلوه الكل ينتظرها الكبير قبل الصغير اهيا (القرقيعان) ويكون بالأيام هذي (13-14-15) من رمضان
القرقيعان عاده كويتيه قديمه يقوم فيها الصغار بالذهاب للبيوت اللي بالفريج والفرجان المجاوره يطقون البيان ويغنون أناشيد خاصه بهذي العاده ويحصلون على الحلويات و المكسرات .. يلبس الصبيه الدشاديش والقحفيه (الطاقيه) والسديري الاسود المطرز بالذهبي وكيس القرقيعان وهو عبارة عن قطعة قماش مطرزه تعلق بالرقبه لجمع الحلويات فيها اما الفتيات فيلبسن الثوب المطرز بالزري والبخنق المطرز بالزري كذلك بالاضافه الى كيس القرقيعان

أناشيد القرقيعان

قرقيعان و قرقيعان بين اقصيّر ورمضان
عادت عليكم صيام كل سنة وكل عام
الله يخلي (طيـــوف)الله يخلها لامها
عسى البقعه ماتخمها و لا تواسي على أمها
عطونا الله يعطيكم بيت مكه يوديكم

يتبع

.

.

.

**طيــف** · 16/09/07, (02:25 PM)

وهذي صور القرقيعان

هذي صوره لحلويات القرقيعان

هذا القرقيعان قديما يوزع بهالطريقه

هذا القرقيعان حديثا .. يازين القديـــــــم بس

هذي ملابس البنات

وهذي ملابس العيال .. فديـــــــــــــته

وجذي نوقف عند البيبان ونقرقع

تعبت
ان شاء الله اني كفيت ووفيت ومانسيت شي
لازم الدلماني وهيااا يدققون وراي هههههههههههههههههههه

اخوي ظامي .. تقبل مني اجمل التحايا
بصراحه ذكرتني بالذي مضى

**ظامي الوجد** · 23/09/07, (03:35 AM)

اهلا بالجميع

اعذروني عن الغياب

وش فيكم قلبتوها مائدتي في رمضان

هو شي من ضمن

بس مو كل شي

عموما يامرحبا بالمشاركات وأصحابها

تحيتي لكم جميعا

وين الناااااس

ظامي