الـرخـوم.. وسـوالـف الـخـبـلان ..؟!؟

[عبيد الدخيل]

	السلام عليكم ورحمه الله وبركاته قصيده اعجبتني للشاعر :- محمد بن جارالله السهلي .. محمد شاعر اثبت تواجده بالساحه الشعبيه من خلال قصائده الجميله المهم انا ماني بقاعد اتفلسف عليكم اترككم مع القصيده اتقدم لنا الدنيا درسن جديد بكل يوم ..والناس تسلم من غثا الدنيا بحفظ دروسها علي حسب حفظ المواجيب وتعاليم السلوم..نعرف مقاسات البشر فالمرجله ونقوسها صيت الرجال الوافيه بفعولها ولا الرخوم..ينبيك عنها قل نفعتها وشين نفوسها تطرد ورا الدنيا وتكشخ بالمواتر والهدوم.. مثل الحريم اغلب دراهمها على ملبوسها والامعه والشايب الكذاب وضعيف العزوم ...ناس مع العالم بلا هيبه تدربي روسها والبخل خلانه بهايم لا تسام ولا تسوم ..لاشفتها ترفع يدك حمد وشكر وتبوسها على الصحن هم اول الجلاس واخر من يقوم..يعيفك حلو الاكل والشرب طول جلوسها ماهيب للازم سند ولاذخر عند اللزوم..تموت مارسك مهايطها وكثر فلوسها وسوالف الخبلان رفعت ضغط وصداع وهموم..فلاوتن تخطف اعلوم العرب وتحوسها واجب عليك اليا حكت عن جملت احكاها تشوم...الهند مايرئس حكومتها سوا هندوسها وربع المصالح والمجامل خوه ماهيب دوم..اقولها والتجربه قطع وريدي موسها وقت الرخا مثل الصقور الي على المرقب تحوم..فين يذري ساقك الرمضى وحر شموسها وليا احتمت صكات بقعا وامست اعلومك اعلوم..تلوي خششها وتجحد خوتك وتدوسها من عقب ما انت طيب وقدرك معزز ومحشوم..تصير اردى ماخلق ربي ودم ضروسها ابعد عن الاشكال ذي بعد الثرى عن النجوم..وش حاجتك في قرب رديان العرب ونجوسها ماهوب عيب اليا اعزموك تقول يالربع معزوم .. العيب لارحت لعزايمها وجيت اعروسها وخلك فطين تعلمك دنياك درسن جديد بكل يوم...والرجل يسلم من غثا الدنيا بحفظ دروسها ودمتم

[اميرة الحرف]

ابعد عن الاشكال ذي بعد الثرى عن النجوم..وش حاجتك في قرب رديان العرب ونجوسها
ماهوب عيب اليا اعزموك تقول يالربع معزوم .. العيب لارحت لعزايمها وجيت اعروسها
وخلك فطين تعلمك دنياك درسن جديد بكل يوم...والرجل يسلم من غثا الدنيا بحفظ دروسها



حكيييم يامحمد
عبيد تسلم على هالرائعه لاهنت

عيووف

[فايز البذيلي]

ياسلاااااااااام ياعبيد


عرفت تختار صح اختيارك


وصح الله لسان السهلي


قصيده تشرح واقع


كل الود

[صالح العرجان]

عــبــيــد الــدخــيــل

روعــة الاخــتــيــار مــن ذووووق راعــيــة !!


تــســلــم يــمــيــنــك


وصــح الــلــه لــســان أبــن جـــار الــلــه

[سندريلا]

صح ذوقك ياعبيد وصح لسان السهلي


دمت بود

[سعوط المجانين]

عليكم السلام ورحمة الله وبركاته



صيت الرجال الوافيه بفعولها ولا الرخوم..ينبيك عنها قل نفعتها وشين نفوسها
تطرد ورا الدنيا وتكشخ بالمواتر والهدوم.. مثل الحريم اغلب دراهمها على ملبوسها
والامعه والشايب الكذاب وضعيف العزوم ...ناس مع العالم بلا هيبه تدربي روسها

ابيات في غاية الحكمه من شاعر صغير فالسن كبير في صياغة ابياته

عبيد الدخيل

اخترت لنا هذه الباذخه واحسنت الاختيار .. قصيده تحمل في طياتها الشيء الكثير من الحكمه وحقيقه استمتعت بقراءتها

صح لسان الشاعر \ محمد جارالله السهلي وتسلم يمينك على النقل

دمت بخير

...

[عبيد الدخيل]

مشكووورين وماقصرررتوو على هالمرور الطيب وبيض الله وجيهكم

وانتظروا مني المزيد

. . .