على ذوقـــي

[طيــف]

اعجبتني و أتمنى تعجبكم



~*¤®§( عــذاريبي )§®¤*~

عطني أمل لا تقول الركب قد فاتك
بعض المطر يسبقه عج ولواهيبي
حلوه عيوبك وانا عشاق غلطاتك
وعشقت شيبي لا نك مظهر ٍ شيبي
تبي الصراحة عليك اغار من ذاتك
اغار واغتاظ هذي هي عذاريبي


~*¤®§( غيـــرك )§®¤*~

دقات قلبي لو يعدونها عد
يلقون لك اسم ٍ مع كل عده
إن قلت خف الشوق قام يتجدد
في كل لحظة يوصل الشوق حده
غيرك ولو إنه كثير التودد
قلبي رفض قربه وبالحيل صده



~*¤®§( وين انت )§®¤*~

اشتقت لك يا فرحة العمر وين انت..
يا للي عيوني منك ينبع ضياها
لولاك يا الغاية بدنياي ماكنت
اشفق على ايامي يطول مداها

~*¤®§( قولوا آمين )§®¤*~

لا مر في بالي هتف قلبي اهلين..
يا مرحبا بأفراحي المستديمة
ذكراه تعبق مثل عبق الرياحين..
بيني وبيني كل وقت مقيمة
يحميه ربي يا ملا قولوا امين..
وعساه يهنى بالهوى في نعيمه



~*¤®§( تعالي )§®¤*~

أجمل دروبي خطوة في مساريك..
أسرجت لك بالشوق خيلي ونوقي
تسرح مع صبحك وتمسي مماسيك..
شمس تغيب وشمس تظهر شروقي
ما به جديد وماخذيتي يكفيك..
ياللي خذيتي مع حقوقك حقوقي
لفي علي الرمش روحي تناديك
تعالي أنسى في خفوقك خفوقي



~*¤®§( اللـــوم )§®¤*~

اللي يلوم الناس ما يبخص الناس..
للطيب حد ٍ والردى ماله حدود



~*¤®§( قصيـــدي )§®¤*~

ارحل وانا برحل معي هم وتعب وسكات..
واسرار ما بيني وبين الروح مدفونه
ارحل مدام الله كتب لك يا الحبيب شتات
مالي على حكم القدر راي ولا مونه
مالي بعدك الا الصبر ومجاذب الونات
وقصيدي اللي كل خلق الله يغنونه

~*¤®§( تفننـــت )§®¤*~

في جرح قلبي حيل والله تفننت..
ومع كل جرح فات باقول ناسيك
كنت الأمل والشوق يا صاحبي كنت
وليتي نسيتك قبل ما القلب يرجيك
بصرخ بعالي الصوت يا قلب لا هنت..
اطو الظلام وشف ترى الشمس تدعيك



~*¤®§( خسرتيــــني )§®¤*~

تحسبيني على خبرك اموت اموت واحيا بك
انا لو مانسيت الود ما انسى انك حذلتيني
ذبل ورد الأمل فيني ومات الوعد بترابك
وبقيتي مثل ما انتي بعيده لو سكنتيني
وكيف يسامحك جرح السنين ورحلة عتابك
خسرتي كل شيء ادري ومع هذا خسرتيني



~*¤®§( الاحتـــرام )§®¤*~

ما ننشد الغالين ود وقرابه
وما ننتظر عطف الزمان بمغيبك
قل لي ترى ما عاد فيها غرابة
ما عدت اول من يحس بلهيبك
لي صار ما بالوقت عز ومهابة
ما عاد انا شفق ولو اني حبيبك



~*¤®§( لا تحـــاول )§®¤*~

لا تناد ما يفيد اللي يناد..
قالوا اللي راح ما يرجع أبد
غمض عيونك تعب منك السهاد
يا دفا البارح ترى جمرك برد

~*¤®§( ويــــن ؟ )§®¤*~

وين الحنان اللي مقره محانيك..
وين الضمير اللي عن الغدر ينهاك



~*¤®§( وجهــا لوجـــه )§®¤*~

الوداع..
سأحزم حقائبي
وارحل الان
من هذه العين
الى هذه العين


~*¤®§( فصـــيح )§®¤*~

صوت ينادي فمن يا قلب نادانا..
ومن أهاج بذكر الحب ذكرانا
لف الظلام ليالينا وكفنها
فلا النجوم ولا الأقمار ترعانا

كـــل الـــــود/

[صالح العرجان]

~*¤®§( غيـــرك )§®¤*~

دقات قلبي لو يعدونها عد
يلقون لك اسم ٍ مع كل عده


إن قلت خف الشوق قام يتجدد
في كل لحظة يوصل الشوق حده


غيرك ولو إنه كثير التودد
قلبي رفض قربه وبالحيل صده



طيف

ذائقه عاليه أخترت منها ( غيرك )؟!

سلمت يمينك


صالح ..!!

[هيـاا العـازمـي]

::

طيف

::

إختيار وذائقة رائعة ومميزة

ولا جديد

مجموعة راقية لشخصية راقية

شكراً لكِ

ودمتِ بكل خير ورفعة

تقديري

هيـــــاااا

[صالح الجطيلي]

طيف

ذوق راقي وممتع

الله لا يهينك على الا ختيار

دمت بود

[طيــف]

صــالح

شاكره تواصلك

يا هلا

[شيهانه]

طيف

تسلمين على هالاختيار

اختيار مزخرف
كزخارف حروفك

.........................

~*¤®§( اللـــوم )§®¤*~

اللي يلوم الناس ما يبخص الناس..
للطيب حد ٍ والردى ماله حدود

[سعوط المجانين]

اشتقت لك يا فرحة العمر وين انت..
يا للي عيوني منك ينبع ضياها
لولاك يا الغاية بدنياي ماكنت
اشفق على ايامي يطول مداها

تسلم يمينك ياطيف على النقل ويعطيك العافيه

...