كذا قوانين وايل هي قوانيني.

[خلف الغريب]

اعزائي اعضاء شبكة ويلان .... السلام عليكم ورحمة الله وبركاته

يسرني أن أشارك معكم بهذه الأبيات متمنيا أن تحوز على إعجابكم

من عادتي لا قسى وقتي تساهلته=ربي على الصبر بالشدات معطيني
ومن عادتي لو يزود الحمل بي شلته=صابر ولا تشكي الاثقال متنيني
الا من الثقل ثقل ما تحملته=الحاجة الي على مثلك توديني
النذل لو ان جدي جد عايلته=عن حاجتي له رفيع العرش مغنيني
برق على ديرة الانذال ما خلته=لو يثمر ورود واعشاب ورياحيني
العز طبعي ولا عمري تمثلته=من ورث جدي بكاس الطيب مسقيني
ادرس على يديه واجاوب على اسئلته =كذا قوانين وايل هي قوانيني
واذا غدر بي رفيقي قلت : مشكلته=والضربة الي ماتذبحني تقويني
ما اعامله لا تردى بي معاملته =لاني لفعل الردى ما تقدر يديني
كذا اعرفه دون اقنعة مجملته=الاوله فيه واما الثانية فيني
وان قال بي شين فيه الشين ما قلته=ذنبه يكفيه وذنوبي تكفيني
اخذت طبع النخل لو ما تطاولته=بالطوب يرمى وينزل تمره الزيني

وسلامتكم

[عايض المشعان]

وان قال بي شين فيه الشين ما قلتـه .............. ذنبـه يكفيـه وذنـوبـي تكفيـنـي
اخذت طبع النخل لو مـا تطاولتـه ...............بالطوب يرمى وينزل تمره الزينـي



ونعم يا بو خالد

ابيات رائعه من شخص رائع


اتحفتنا بقرائتها والاستمتاع في معانيها


لا تحرمنا من جديدك

[مزيد المزيد]

ابوخالد


الله عليك ابداع و درر وحكم لايكتبها الا شاعر متمرس ومتمكن ...

الا مـن الثقـل ثقـل مـا تحملتـه
.................الحاجة الـي علـى مثلـك تودينـي
النذل لـو ان جـدي جـد عايلتـه
.................عن حاجتي له رفيع العرش مغنينـي




سلم فكرك وبوحك وعزالله انها من اجمل القصايد التي قرات


واذا غدر بي رفيقي قلت : مشكلتـه
.......................والضربة الـي ماتذبحنـي تقوينـي
ما اعامله لا تـردى بـي معاملتـه
........................لاني لفعل الردى مـا تقـدر يدينـي


اي والله مشكلته !!!!!!!!!!!!



صح لساااااااااااااااااااااااااااااااااااااااااانك

[مشعل الضوي]

ابو خالد ...........

قصيدة مليئة بالجزالة........

واذا غدر بي رفيقي قلت : مشكلتـه والضربة الـي ماتذبحنـي تقوينـي..........

روعة متناهية........

ما اعامله لا تـردى بـي معاملتـه لاني لفعل الردى مـا تقـدر يدينـي

كفو........

هطول مليء بالابداع و القدرة.......

ابو خالد.......

أعلم جيدا ما بجعبتك من جزيل الشعر .........

أتمنى أن أقرأ جديدك دائما في ويلان.........

ألف صح لسانك .........

لك كل التحايا..........

[سعوط المجانين]

من عادتي لا قسى وقتـي تساهلتـه,,,ربي على الصبر بالشدات معطينـي

مطلع قوي لامجامله

واذا غدر بي رفيقي قلت : مشكلتـه,,,والضربة الـي ماتذبحنـي تقوينـي


الله عليك يابو خالد


اخذت طبع النخل لو مـا تطاولتـه,,,بالطوب يرمى وينزل تمره الزينـي

كفو والله وصح لسانك ولاهنت جزل جزل يابو خالد وحقيقه انت مكسب للمنتدى لأنك لاتكتب سوى الجزل النادر

دمت بخير

...

[خلف الغريب]

الكريم / عايض المشعان
ما عليك زود واتشرف بمرورك واعتبره داعما لي ..........تحيااااااااااااتي لك

[خلف الغريب]

اخوي مزيد المزيد :

شرف لي ان احظى بمثل هذه الشهادة ومرورك هنا كمرور المطر ...
وصح بدنك .........ونحن نتعلم منكم ...
تقبل تحياتي...