كذا قوانين وايل هي قوانيني.

[عبدالله الثابت]

المشاركة الأصلية كتبت بواسطة ابو خالد الفقيري

اعزائي اعضاء شبكة ويلان .... السلام عليكم ورحمة الله وبركاته

يسرني أن أشارك معكم بهذه الأبيات متمنيا أن تحوز على إعجابكم

من عادتي لا قسى وقتي تساهلته=ربي على الصبر بالشدات معطيني
ومن عادتي لو يزود الحمل بي شلته=صابر ولا تشكي الاثقال متنيني
الا من الثقل ثقل ما تحملته=الحاجة الي على مثلك توديني
النذل لو ان جدي جد عايلته=عن حاجتي له رفيع العرش مغنيني
برق على ديرة الانذال ما خلته=لو يثمر ورود واعشاب ورياحيني
العز طبعي ولا عمري تمثلته=من ورث جدي بكاس الطيب مسقيني
ادرس على يديه واجاوب على اسئلته =كذا قوانين وايل هي قوانيني
واذا غدر بي رفيقي قلت : مشكلته=والضربة الي ماتذبحني تقويني
ما اعامله لا تردى بي معاملته =لاني لفعل الردى ما تقدر يديني
كذا اعرفه دون اقنعة مجملته=الاوله فيه واما الثانية فيني
وان قال بي شين فيه الشين ما قلته=ذنبه يكفيه وذنوبي تكفيني
اخذت طبع النخل لو ما تطاولته=بالطوب يرمى وينزل تمره الزيني

وسلامتكم

ابو خالد


صح لسانك


شاعر جزل وشرف لنا تواجدك بهذا المنتدى


تقبل تحياتي ونتمنى تواصلك

[خلف الغريب]

العزيــــــــــــــــز ماجد الجعفري :

صح بدنك لاهنت وبيض الله وجهك على وقفتك ....

ولا أستغرب الطيب منك ومن اخوي مشعل ومن أعضاء شبكتنا الوائلية

لأن ( الطيب ما تستغربه من هل الطيب )

اطلالتك هنا تمنحني المزيد من القوة والنشاط ....

تقبل رد التحية وشكرا لك مليون ..........

[خلف الغريب]

اخوي الكريم سعيد :

الله لا يهينك وصح بدنك ... ووجهك ابيض .......

شاكر ومقدر هذه الاطلالة النبيلة .....
تحياتي..........

[خلف الغريب]

اختي الكريمة هبوب العنزي :


وتسلم يدينك ....

مرورك العاطر شرف لي ........
تقبلي وافر تحياتي

[خلف الغريب]

الكريم عبد الله الثابت :

صح بدنك وشهادتك وسام على صدري .....

كل الشرف لي بانضمامي لمثلكم وشرواكم ......

الف شكر على هذا المرور النبيل......تحياتي