طعون الهوى...

[عبدالمحسن الجلوي]

يالج قلبي لجت الجمس يالج = راعيه مع لغف الطرايف يبوجة
وياحن قلبي حنت الطرش لا هج = شله عقيدا بس حنت خلوجة
وصل الصريخ وركبت الخيل بالعج = خيلا عرايا عجلوا عن سروجة
القوم فادوا دون وضحا تبهرج = على العزاوي والنخاوي حروجة
تطابحوا والرمي بالارض رجرج = يقدح كما برقا شعقته لعوجة
معهم غلاما شد والخيل تفرج = كلاب له بالحرب نفسا لجوجة
بين المتارس روس قوما تدحرج = والطرش يرزم والسبايا تعوجة
انا اشهد اني مثلهم صرت محرج = من واحدا عرق المحبة يسوجة
سبب عذابي يوم قرب ويرتج = ينثر حلاه من الدلع في غنوجة
يمشي وثوبه من خطاويه يحتج = كن السلاسل قيدت في دموجة
نجل العيون وكحلها تنثره كج = يذوب في وسط العيون الدعوجة
يوم اقبلت قلت البوارق تلاعج = والا القمر زايد علينا وهوجة
لو ينطق الشارع من اوصافها ضج = يضيق لو انه وساعا فجوجة
اللي بعرش الزين ميز وتوج = عليه حسرات المولع زعوجة
وانا مضالي من طعون الهوى شج = وسمه بقلبي لو تقافت حجوجة
ان هب من ريح الصبا خاطري سج = تقذفني الذكرى على كل موجة
تزج عبرات الهوى مقلتي زج = وحلفت درب الحب ما عاد ادوجة

[همس الورد]

صح لسانك

يعطيك العافيه

تقبل مروري

[سراب نجد]

المشاركة الأصلية كتبت بواسطة عبدالمحسن الجلوي

يالج قلبي لجت الجمس يالج = راعيه مع لغف الطرايف يبوجة
وياحن قلبي حنت الطرش لا هج = شله عقيدا بس حنت خلوجة
وصل الصريخ وركبت الخيل بالعج = خيلا عرايا عجلوا عن سروجة
القوم فادوا دون وضحا تبهرج = على العزاوي والنخاوي حروجة
تطابحوا والرمي بالارض رجرج = يقدح كما برقا شعقته لعوجة
[معهم غلاما شد والخيل تفرج = كلاب له بالحرب نفسا لجوجة]
بين المتارس روس قوما تدحرج = والطرش يرزم والسبايا تعوجة
انا اشهد اني مثلهم صرت محرج = من واحدا عرق المحبة يسوجة
سبب عذابي يوم قرب ويرتج = ينثر حلاه من الدلع في غنوجة
يمشي وثوبه من خطاويه يحتج = كن السلاسل قيدت في دموجة
نجل العيون وكحلها تنثره كج = يذوب في وسط العيون الدعوجة
يوم اقبلت قلت البوارق تلاعج = والا القمر زايد علينا وهوجة
لو ينطق الشارع من اوصافها ضج = يضيق لو انه وساعا فجوجة
اللي بعرش الزين ميز وتوج = عليه حسرات المولع زعوجة
وانا مضالي من طعون الهوى شج = وسمه بقلبي لو تقافت حجوجة
ان هب من ريح الصبا خاطري سج = تقذفني الذكرى على كل موجة
تزج عبرات الهوى مقلتي زج = وحلفت درب الحب ما عاد ادوجة

صح السانك
على هذه القصيده الطيبه

اللي تحمل من الوصاف أشياء

حقيقيه في سابق الوقت يوم الاخذ والماخوذ

تشبيه دقيق جداً

بس أخي فيه بيت مافهمته أنا

معهم غلاما شد والخيل تفرج *** كلاب له بالحرب نفسا لجوجه
هذا اللي مافهمته

لك تحياتي وتقديري

[محمد دعسان]

ابداع اخوي عبد المحسن
الله يعطيك العافيه
تقبل مروري الله يحفظك

[عبدالمحسن الجلوي]

اقتباس:
المشاركة الأصلية كتبت بواسطة همس الورد
صح لسانك

يعطيك العافيه


تقبل مروري
هلا ومرحبا فيك همس الورد صح بدنك...الله يعافيك..

[عبدالمحسن الجلوي]

اقتباس:
المشاركة الأصلية كتبت بواسطة سراب نجد
صح السانك
على هذه القصيده الطيبه

اللي تحمل من الوصاف أشياء

حقيقيه في سابق الوقت يوم الاخذ والماخوذ

تشبيه دقيق جداً

بس أخي فيه بيت مافهمته أنا

معهم غلاما شد والخيل تفرج *** كلاب له بالحرب نفسا لجوجه
هذا اللي مافهمته

لك تحياتي وتقديري



هلا ومرحبا فيك سراب نجد هههههههههههه كلااااااااااااااااااب بالشدة وهو الحثيث والذي يلح بالقتال وينشب الحرب برغبة ولا ينثني ....... يقولون بالشعر ان صار عند اقطيهن حزم كلاااب ... لك اجمل التحايا ...

[سالم صالح]

عبدالمحسن الجلوي ’’’


صح السانك قصيدة راائعة وجزلة من شاعر جزل ولاياتي الا بالرائع والمميز ,,,


تقديري على اصالة وابداع قلمك