بلاط الخلافة ... مصافحة اولى لكم .. ( فواز المهنا )

[نجلاء محمد]

المشاركة الأصلية كتبت بواسطة فواز المهنا

مساكم الله بالخير

شرف كبير لي اني اشترك معكم في هذا المنتدى
واشكر من شرفني بالدعوة


ويشرفي اني اصافحكم بهذي القصيدة وكلي امل انها تعجبكم .

أرحبي يا سجيّة شاعرٍ هاض قافه = وارعدي يا سحبة وامطرينا بماكي
يا قلم لا تكل ولا تمل المسافة = انثر الحبر ثوبٍ للقصايد يحاكي
من طواريق منهو راح وقته حسافه = عند ناسٍ وصلهم ما حظى بالمراكي
كان يحسب مكانه في بلاط الخلافة = حتى لو مَِيحَصَل ان للخليفة يحاكي
لابس البشت مع من صنّفوا بالترافة = واثره امصنفٍ مع لابسين السواكي
يوم فرّ القَهَوجي ما حظى بارتشافة = ما درى انّه عزيز النفس ماهو بشاكي
له خفوقٍ قويٍّ ما تجيه ارتجافة = ظاريٍ للطعون ولا خسر بالعراكي
من وصل له شبابه ما حظى باللطافة = خشّنته الليالي .. يالليالي نواكي
يالليالي أشد صروفك اليوم تافه = صاحبٍ لك قبل لا تعثرينه قواكي
صاحبٍ لك عطى بحره وحصل جفافه = من صحاب الفضا والبهرجة والضحاكي
ما دروا عن مغلّف نازعينٍ غلافه = فتّح وشاف واقع كل ابوه انفكاكي
الغمام الي غطى العين حان انكشافه = هبّي يا نسمة الواقع وزيدي هواكي
خلي اللي ظمى والنهر هو في ضفافه = يعرف ان المجامل يبتليه ببلاكي
كم وكم سن يضحك فيه آفه وآفه = جايع لنهش لحمه ما ضحك كالملاكي
كم صديقٍ تعلاّ لازم انه يعافه = يقطعه حبل وصلٍ كان مثل الشراكي
لجل عين الكرامة لو هو شوكٍ قطافه = ما يهم .. قبل لا يا قع بواد الشواكي

الشاعر/ فواز المهنا

رائعه من روائع الشعر تقع هنا بارض ويلاان
لك من الكلمات الاروع ومن الاحساس الاجمل
صح لسانك ولا هنت
وسلم لنا احساسك الراقي
تحيه عذبه اليك